सभामुखले बोलाए कार्यव्यवस्था परामर्श समितिको बैठक

सरकारले एमसीसी संसद्‌मा पेस गर्ने औपचारिक जानकारी दिएपछि कार्यव्यवस्था समितिको बैठक बोलाइएको हो । आइतबार कानुन, न्याय तथा संसदीय मामिलामन्त्री दिलेन्द्रप्रसाद बडूले सभामुखलाई भेटेर एमसीसी टेबुल गर्नेबारे जानकारी दिएका थिए । सोही दिन प्रधानमन्त्री शेरबहादुर देउवा, प्रमुख प्रतिपक्षी दल नेकपा (एमाले), नेकपा (माओवादी केन्द्र)का अध्यक्ष पुष्पकमल दाहालबीच पनि एमसीसी र स्थानीय तह निर्वाचनबारे छलफल भएको थियो ।

संसद् सचिवालयले बुधबारको बैठकको सम्भावित कार्यसूचीसमेत सार्वजनिक गरिसकेको छ । तर, त्यसमा एमसीसी राखिएको छैन ।

बुधबारको कार्यव्यवस्था समितिको बैठकमा कानुनमन्त्री बडूले एमसीसीलाई टेबुल गर्ने विषय राख्ने तयारी गरेका छन् ।