यस्तो छ कोरोना रोकथामका लागि सरकारको ३६ बुँदे आदेश [पूर्णपाठ]- समाचार - कान्तिपुर समाचार
कान्तिपुर वेबसाईट
AdvertisementAdvertisement

यस्तो छ कोरोना रोकथामका लागि सरकारको ३६ बुँदे आदेश [पूर्णपाठ]

कान्तिपुर संवाददाता

काठमाडौँ — सरकारले कोरोना भाइरसको नयाँ भेरिएन्ट, ओमिक्रोनसहितको महामारीको तेस्रो लहर रोकथाम तथा नियन्त्रणसम्बन्धी आदेश, २०७८ जारी गरेको छ ।

पुस ३० गतेको मन्त्रिपरिषद् बैठकले उक्त आदेश जारी गरेको आइतबार आयोजित पत्रकार सम्मेलनमा सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिएका हुन् ।

आदेशअनुसार सबै प्रकारका आमसभा, जुलुस, भेला माघ मसान्तसम्म नगर्ने, गोष्ठी, सेमिनार, समीक्षा, बैठकजस्ता क्रियाकलापहरु भर्चुअल माध्यमबाट गर्ने, भौतिक रुपमा उपस्थित भई गर्नपर्ने भएमा जनस्वास्थ्यका मापदण्ड पालना गर्ने गरी र एन्टिजेन परीक्षण गरी रिपोर्ट नेगेटिभ आएका बढीमा २५ जना मात्र सहभागी रहने गरी सञ्चालन गर्ने, माघ ७ गतेपश्चात् त्यस्तो कार्यक्रममा खोपको पूरा मात्रा लगाएका व्यक्तिहरु मात्र उपस्थित हुने गरी गर्ने जस्ता विषय उल्लेख छन् ।

यस्तै सिनेमा हल, डान्सबार, दोहोरी, नाचघर, क्लब, हेल्थ क्लब, जिम खाना, स्विमिङ पुल, फुटसल, हाटबजारलगायत कार्यक्रम १५ माघसम्म नगर्ने, विद्यालय, विश्वविद्यालय, कलेज, ट्युसन सेन्टर, तालिम वा अन्य प्रकारका शैक्षिक क्रियाकलापमा पनि रोक लगाइएको छ ।

पूर्णपाठ

प्रकाशित : माघ २, २०७८ २१:५३
प्रतिक्रिया
पठाउनुहोस्

प्रधानमन्त्री कार्यालयका ३ सचिवसहित ४० कर्मचारीमा कोरोना

कान्तिपुर संवाददाता

काठमाडौँ — प्रधानमन्त्री तथा मन्त्रिपरिषद् कार्यालयका ३ सचिवसहित ४० जना कर्मचारीमा कोरोना संक्रमण पुष्टि भएको छ । दुई दिनमा २ सय जना कर्मचारीको पीसीआर परीक्षण गर्दा ४० जनामा कोरोना संक्रमण पुष्टि भएको प्रधानमन्त्री तथा मन्त्रिपरिषद्को कार्यालयले जनाएको छ ।

आर्थिक तथा पूर्वाधार विकास हेर्ने सचिव शिशिरकुमार ढुंगाना, सीसीएमसीसीका प्रमुख रहेका प्रादेशिक समन्वय र सामाजिक विकास हेर्ने सचिवहरु रामप्रसाद थपलिया र कृष्णबहादुर रावतसहित ४० जना कर्मचारीमा कोरोना पुष्टि भएको कार्यालयका प्रवक्तासमेत रहेका सहसचिव महादेव पन्थले जानकारी दिए ।

कार्यालका सचिव थपलिया र ढुंगानालाई भने केही दिनअघि नै संक्रमण पुष्टि भएको थियो । उनीहरु दुवै जना संक्रमणमुक्त भइनसकेको कार्यालयले जनाएको छ ।

प्रवक्ता पन्थका अनुसार प्रधानमन्त्री तथा मन्त्रपरिषद् कार्यालयका २ सचिवमा कोरोना संक्रमण पुष्टि भएपछि राष्ट्रिय जनस्वास्थ्य प्रयोगशालाको टोली बोलाएर कार्यालयमा नै पीसीआर परीक्षण गराएको थियो । उनका अनुसार थप केही कर्मचारीको आइतबार परीक्षण गरिएकाले उनीहरुको रिपोर्ट आउन बाँकी छ ।

कर्मचारीमा कोरोना संक्रमण पुष्टि भएपछि प्रधानमन्त्री कार्यालयले संक्रमित तथा सामान्य ज्वरो तथा रुघाखोकी लागेका कर्मचारीलाई घरमै बस्न भनेको प्रवक्ता पन्थले बताए ।

प्रकाशित : माघ २, २०७८ २१:३०
पूरा पढ्नुहोस्
प्रतिक्रिया
पठाउनुहोस्
x
×