गठबन्धन तोड्न कांग्रेसलाई एकलौटी सरकार चलाउन दिने एमालेको प्रस्ताव छ : दाहाल- समाचार - कान्तिपुर समाचार
कान्तिपुर वेबसाईट
AdvertisementAdvertisement

गठबन्धन तोड्न कांग्रेसलाई एकलौटी सरकार चलाउन दिने एमालेको प्रस्ताव छ : दाहाल

कान्तिपुर संवाददाता

काठमाडौँ — नेकपा (माओवादी केन्द्र) अध्यक्ष पुष्पकमल दाहालले अहिलेको गठबन्धन तोड्न एमालेले कांग्रेसलाई विभिन्न प्रस्ताव गरेको बताएका छन् । समाजवादी प्रेस संगठनले सोमबार राजधानीमा आयोजना गरेको कार्यक्रममा बोल्दै अध्यक्ष दाहालले एमालेले अहिलेको गठबन्धन तोडे कांग्रेसको नेतृत्वमा एकलौटी सरकार चलाउन दिने प्रस्ताव गरेको बताए ।

तर, प्रधानमन्त्री शेरबहादुर देउवाले कुनै पनि अवस्थामा गठबन्धनलाई निरन्तरता दिने आफूलाई बताएको दाहालको भनाइ छ ।

'एमालेले कांग्रेसलाई गठबन्धन तोडे एकलौटी सरकार चलाउन दिने र एमसीसी पारित गर्न सघाउने प्रस्ताव गरेको छ,' दाहालले भने, 'प्रधानमन्त्री देउवाले कुनै हालतमा गठबन्धन टुटाउने पक्षमा छैनौं भन्नु भएको छ ।'

कार्यक्रममा उनले अहिले पनि एमाले अध्यक्ष ओली प्रतिमगनको बाटोमा रहेको संसद् अवरोधबाट पुष्टि भएको बताए । उनले एमालेले गरेको माग सर्वोच्च अदालतले संविधानको धारा ७६ (५) अनुसार गठन हुँदा पार्टीको ह्वीप नलाग्ने भन्ने फैसलाको विरुद्ध रहेको बताए ।

प्रकाशित : पुस ५, २०७८ १५:२७
प्रतिक्रिया
पठाउनुहोस्

हत्याका दोषीलाई पक्राउ नगरेको भन्दै राजमार्ग अवरुद्ध

भरत जर्घामगर

सिरहा — छुरा प्रहारबाट हत्या भएको घटनाका मुख्य दोषीलाई पक्राउ नगरेको भन्दै आक्रोशित स्थानीयले पूर्व–पश्चिम राजमार्ग अन्तर्गत सिरहाको गोलबजार खण्ड अवरुद्ध पारेका छन् । स्थानीयले बिहानैदेखि राजमार्ग अवरोध गर्नुका साथै बजार बन्द गराएका छन् ।

स्थानीय प्रशासनले २४ घण्टाभित्र हत्यामा संलग्नलाई पक्राउ गरी कानुनी दायरामा ल्याउने प्रतिबद्धता पूरा नगरेको भन्दै आफूहरु सडकमा उत्रिनु परेको पीडित पक्षले बताएका छन् ।

राजमार्ग अवरुद्ध हुँदा लामो तथा छोटो दूरीका सवारीसाधन गोलबजारमै रोकिएका छन् । शनिबार बेलुका घर जाने क्रममा छुरा प्रहारबाट गोलबजार नगरपालिका–६ डोहटियाका २६ वर्षीय रामकुमार सदायको मृत्यु भएको थियो । अर्का १९ वर्षीय निकेश सदाय घाइते भएका थिए ।


स्थानीयले गोलबजार क्षेत्रका राजमार्गको दर्जनौं स्थानमा टायर बालेर, ढुंगामुढा सडकमा तेर्साएर अवरुद्ध गरेका छन् । पीडित पक्षका अगुवा शिवशरण सदायले आरोपीलाई पक्राउ नगरेसम्म प्रदर्शन नरोकिने बताए । इलाका प्रहरी कार्यालय गोलबजारले घटनामा संलग्नहरुको पहिचान खुलिसकेको र घटनालगतै संलग्न फरार रहेकाले उनीहरुको खोजी कार्य भएको बताए ।


स्थानीय र प्रहरीबीच झडप

हत्याको विरोधमा उत्रिका गोलबजार नगरपालिका–६ का बासिन्दा र प्रहरीबीच राजमार्ग खुलाउने क्रममा झडप भएको थियो । राजमार्ग खुलाउन प्रहरीले बल प्रयोग गर्न खोज्दा झडप भएको हो ।

प्रकाशित : पुस ५, २०७८ १५:१८
पूरा पढ्नुहोस्
प्रतिक्रिया
पठाउनुहोस्
x
×