रुबीलाई बिहीबार बिहान ११ बजे उपस्थित गराउन सर्वोच्च अदालतको आदेश- समाचार - कान्तिपुर समाचार
कान्तिपुर वेबसाईट
AdvertisementAdvertisement

रुबीलाई बिहीबार बिहान ११ बजे उपस्थित गराउन सर्वोच्च अदालतको आदेश

कान्तिपुर संवाददाता

काठमाडौँ — सर्वोच्च अदालतले न्यायका लागि नेपालगञ्जबाट काठमाडौंसम्म पैदल यात्रा गरेका महिला टोलीकी अगुवा रुबी खानलाई बिहीबार उपस्थित गराउन आदेश दिएको छ। प्रहरीले गत शुक्रबार माइतीघर मण्डलबाट पक्राउ गरी रुबीलाई नेपालगञ्ज पठाएको थियो। उनको अवस्था अज्ञात रहेको भन्दै अधिवक्ता मोहना अन्सारीले रुबीका तर्फबाट दायर गरेको बन्दीप्रत्यक्षीकरणको निवेदनमा सुनुवाइ गर्दै सर्वोच्च अदालतका न्यायाधीश आनन्दमोहन भट्टराईले आगामी बिहीबार बिहान रुबीलाई अदालतमा उपस्थित गराउन मंगलबार आदेश दिएका हुन् । 

रुबीलाई शुक्रबार साँझ महानगरीय प्रहहरी वृत्त लौनचौरले पक्राउ गरेर महानगरीय प्रहरी वृत्त सिहंदरबारलाई बुझाएको थियो। त्यसपछि सिंहदरबार वृत्तले बाँके पठाइदिएको थियो । रुबीले अहिले जिल्ला प्रहरी कार्यालय बाँकेको हिरासत कक्षमा अनसन सुरु गरेकी छन्। यता महानगरीय प्रहरी वृत्त लौनचौरले रुबी कहाँ छिन् भन्नेबारे आफूलाई जानकारी नभएको जवाफ सर्वोच्चलाई पठाएपछि सर्वोच्चले सिंहदरबार वृत्तलाई सोधेको थियो ।

मंगलबारको सुनुवाइपछि न्यायाधीश भट्टराईले बिहीबार बिहान ११ बजे अदालतमा उपस्थित गराउन र त्यसमाथि यो मुद्दामा सुनुवाइ नभएसम्मका लागि जिल्ला प्रहरी कार्यालय बाँकेको हिरासतबाट अन्यत्र स्थानान्तरण नगर्न आदेश दिएका छन् ।


प्रकाशित : आश्विन २६, २०७८ १५:५७
प्रतिक्रिया
पठाउनुहोस्

चंगा चैटमा रमाउँदै कलाकार [तस्बिरहरु]

कान्तिपुर संवाददाता

काठमाडौँ — हरेक वर्ष दसैंको छेको पारेर रेडियो कान्तिपुरले आयोजना गर्ने चंगा चैट कार्यक्रम पुन: सुरु भएको छ । गत वर्ष कोरोना संक्रमणका कारण रोकिएको रेडियो कान्तिपुरको चंगा चैट कार्यक्रमलाई यस वर्षदेखि निरन्तरता दिइएको हो ।

राजधानीभित्र हुने चंग चैट कार्यत्रमहरुमध्ये रेडियो कान्तिपुरले गर्ने यो कार्यक्रम कलाकारहरुमाझ लोकप्रिय छ ।

सोमबार बिहान १२:३० देखि ३ बजेसम्म रेडियो परिसरमै चलेको कार्यक्रममा कलाकारहरु राजु सिंह, पवित्रा गुरुङ, शिव परियार, सुरज कुमार थापा, सुगम पोखरेल, बनिका प्रधान, लोचन रिजाल, निशा देसार, कमल खत्री, दीलिप लामा, निर्णय एनएसके, हरिदत्त फुलारा, अजर जंगम, दिपकराज गिरि, दिपाश्री निरौला, कपिल कसपाल श्रेष्ठ, तुलक्षी पराजुली, मेलिना मैनाली लगायत उपस्थित थिए ।

उनीहरुले रेडियो कान्तिपुरका आरजेहरु स्मीता राणा, भुपेन्द्र खड्का, कमला पन्थी, महेश लिम्बू, निशान्त कटवाल, प्रियंका प्रसाई, राजेश पाण्डे, संजोक बस्याल लगायतसँग आफ्नो कोरोना संक्रमणको अनुभव सुनाउँदै प्रस्तुती पनि दिए ।


प्रकाशित : आश्विन २६, २०७८ १५:५३
पूरा पढ्नुहोस्
प्रतिक्रिया
पठाउनुहोस्
×