अर्थमन्त्री शर्मा र एमसीसी उपाध्यक्ष सुमारबीच भेटवार्ता - समाचार - कान्तिपुर समाचार
कान्तिपुर वेबसाईट
AdvertisementAdvertisement

अर्थमन्त्री शर्मा र एमसीसी उपाध्यक्ष सुमारबीच भेटवार्ता 

कान्तिपुर संवाददाता

काठमाडौँ — अर्थमन्त्री जनार्दन शर्मासँग नेपाल भ्रमणमा रहेकी एमसीसी उपाध्यक्ष फातिमा सुमारले शिष्टाचार भेटवार्ता गरेकी छन् । उपाध्यक्ष सुमारले अर्थ मन्त्रालयमा पुगेर शनिबार अर्थमन्त्रीसँग भेटवार्ता गरेकी हुन् । 

एमसीसीबारे छलफल गर्नका लागि सुमारले अर्थमन्त्री शर्मालाई भेटेकी हुन् । भेटका क्रममा अर्थमन्त्री शर्माले एमसीसीबारे राजनीतिक तहमा छलफल भइरहेको बताएको अर्थ मन्त्रालयले प्रेस विज्ञप्ति जारी गरेर जानकारी दिएको छ ।

एमसीसी उपाध्यक्ष सुमारले भने एमसीसीलाई छिटो संसद्‌बाट अनुमोदन गरेर कार्यान्वयनमा लैजान आग्रह गरेको अर्थ मन्त्रालयले जानकारी दिएको छ ।

एमसीसी उपाध्यक्ष सुमारले यसअघि प्रधानमन्त्री शेरबहादुर देउवा, प्रमुख प्रतिपक्षी दलका नेता केपी शर्मा ओली, पूर्वप्रधानमन्त्रीहरू पुष्पकमल दाहाल, माधवकुमार नेपाल, बाबुराम भट्टराईलगायतसँग भेटेर एमसीसीबारे छलफल गरिसकेकी छन् ।

प्रकाशित : भाद्र २६, २०७८ १६:२६
प्रतिक्रिया
पठाउनुहोस्

नेकपा(एस)को केन्द्रीय समिति बैठक भदौ २९ गते बस्ने

कान्तिपुर संवाददाता

काठमाडौँ — नेकपा (एस)को केन्द्रीय समिति बैठक भदौ २९ गते काठमाडौंमा बस्‍ने भएको छ । बैठकमा केही नेताको कार्य विभाजन, देशभर संगठन विस्तारका लागि आवश्यक कमिटी गठन र समसामयिक राजनीतिक अवस्थाका विषयमा छलफल गरिने प्रचार विभाग प्रमुख जगन्नाथ खतिवडाले जानकारी दिए ।

यसअघि पार्टीले विभिन्‍न ६ प्रदेशमा इन्चार्ज तोक्नाका साथै केही विभाग गठन गरेर नेताहरुलाई जिम्मेवारी प्रदान गरेको थियो ।

नेकपा (एमाले)बाट अलग भई हालै गठन भएको नेकपा (एकीकृत समाजवादी)ले विभिन्न राजनीतिक गतिविधि सञ्चालन गर्ने क्रममा जनवर्गीय संगठन निर्माण गरिरहेको छ । पार्टीको यही भदौ २७ गते गण्डकी प्रदेशको भेला पोखरामा गर्न लागिएको बताइएको छ ।

प्रकाशित : भाद्र २६, २०७८ १६:२२
पूरा पढ्नुहोस्
प्रतिक्रिया
पठाउनुहोस्
×