सत्ता गठबन्धनमा आबद्ध दलकै भ्रातृ संगठनले मोदीको पुत्ला जलायो
काठमाडौँ — दार्चुला घटना र नेपाली आकाशमा अनधिकृत भारतीय उडान गरेको विषयमा सरकार चुप लागि रहेका बेला सत्ता गठनबन्धनमा आबद्ध दल नेकपा (एकीकृत समाजवादी) को भ्रातृ सगंठन नै विरोधमा उत्रिएको छ । नेकपा (एस)को विद्यार्थी संगठन अनेरास्ववियूले शुक्रबार भारतीय प्रधानमन्त्री नरेन्द्र मोदीको पुत्ला दहन गरेको छ ।
अनेरास्ववियुका अध्यक्ष सुरेश पराजुलीको नेतृत्वमा रत्नराज्यलक्ष्मी क्याम्पस परिसरमा मोदीको पुत्ला दहन गरेको हो । भारतीय हेलिकोप्टरहरू अनुमतिबिनै पटक-पटक दार्चुलामा प्रवेश गरेको समाचार आएपछि विद्यार्थीहरूले प्रदर्शन गरेका हुन् ।
उनीहरूले महाकाली नदी तर्ने क्रममा भारतीय सुरक्षाकर्मीले तुइन काट्दा बेपत्ता रहेका जयसिंह धामीले न्याय पाउनु पर्ने माग गरेका थिए । त्यसैगरी भारतीय विस्तारवाद मुर्दावाद, भारतीय हस्तप बन्द गरलगायत भारतविरोधी नारा लगाएका थिए ।
प्रकाशित : भाद्र १८, २०७८ १६:०१
