ओलीका असंवैधानिक र प्रतिगमनकारी कदमलाई अदालतले पुनः ब्रेक लगाइदियो - भट्टराई
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — जनता समाजवादी पार्टीका संघीय परिषद् अध्यक्ष बाबुराम भट्टराईले प्रधानमन्त्रीका असंवैधानिक र प्रतिगमनकारी हर्कतलाई सर्वोच्च अदालतले पुनः ब्रेक लगाएको बताएका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![ओलीका असंवैधानिक र प्रतिगमनकारी कदमलाई अदालतले पुनः ब्रेक लगाइदियो - भट्टराई](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2020/third-party/baburam-1442020090748-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
फैसलाबारे प्रारम्भिक प्रतिक्रिया दिँदै भट्टराईले भने,‘प्रधानमन्त्री केपी शर्मा ओलीले गत पुस ५ गतेबाट पटक पटक असंवैधानिक र प्रतिगमनकारी हर्कत गर्दै आइराखेका थिए । त्यसलाई सर्वोच्च अदालतले पुनः ब्रेक लगाएको छ । यसका निम्ति अदालत र यस अभियानसँग सम्बन्धित सबैलाई हार्दिक धन्यवाद र बधाई छ ।’
सोमबार सर्वोच्च अदालतले प्रतिनिधिसभाको पुनःस्थापना गर्दै प्रधानमन्त्रीमा शेरबहादुर देउवालाई नियुक्त गर्न परमादेश जारी गरेको छ ।
भट्टराईको प्रतिक्रिया जस्ताको तस्तैः
प्रधानमन्त्री केपी शर्मा ओलीले गत पुस ५ गतेबाट पटक पटक असंवैधानिक र प्रतिगमनकारी हर्कत गर्दै आइराखेका थिए । त्यसलाई सर्वोच्च अदालतले पुनः ब्रेक लगाएको छ । यसका निम्ति अदालत र यस अभियानसँग सम्बन्धित सबैलाई हार्दिक धन्यवाद र बधाई छ ।
नेपाली जनताले जनयुद्ध, जनआन्दोलन, मधेश विद्रोहलगायतका आन्दोलनको बलमा जुन संघीय लोकतान्त्रिक गणतन्त्र स्थापना गरेका थिए । र, नेपाली जनताले पहिलो पटक संविधानसभाबाट संविधान जारी गरेका थिए । यो संविधानलाई भत्काउने र यो व्यवस्था भत्काउने अभियान अन्तर्गत केपी ओली र राष्ट्रपति लगायतले जुन हर्कत गरेका थिए, यो अत्यन्तै गम्भिर विषय छ । त्यसकारण तत्काल यी प्रतिगमनकारी शक्तिहरुलाई परास्त गरिएपछि यिनिहरुको हर्कत अझै विभिन्न ढंगले जारी रहन सक्छ । त्यसकारण यिनिहरुलाई पूर्णरुपमा परास्त नगरेसम्म र संघीय लोकतान्त्रिक गणतन्त्र र संविधानको रक्षा हुने सुनिश्चिता नभएसम्म सर्तकता अपनाइ रहन सबैसँग आग्रह गर्दछु ।
हाम्रो माग अनुसार नै सर्वोच्च अदालतले जुन फैसला गरेको छ, १ सय ४९ सांसदको हस्ताक्षरसहित शेरबहादुर देउवालाई प्रधानमन्त्रीको रुपमा प्रस्ताव गरेका छौं । त्यसअनुसार नै उहाँले तुरुन्त नै प्रधानमन्त्रीको पदभार ग्रहण गर्नुपर्छ । र, संसदबाट विश्वासको मत लिने प्रक्रिया अगाडि बढाउनु पर्छ । त्यसमा हामी सबै एक ढिक्का नै हुन्छौं । सँगसँगै सर्वोच्च नै निर्णय गर्न पाउने अधिकार त्यहाँ सुनिश्चितता गरिएको छ । यो हाम्रो संविधानको मौलिकता हो । यसलाई कतिपयले बंग्याएर दलको ह्वीप लाग्छ लाग्दैन भन्ने प्रश्न उठाइराखेका थिए त्यहाँ लाग्दैन भन्ने फैसला गरिदिएको छ । त्यो कारणले गर्दा अब धारा ५ मा सबै सांसदहरुलाई आफ्नो स्वतन्त्र विवेक प्रयोग पाउने मार्ग प्रशस्त भएको छ ।
त्यसकारण अब हामी निर्धक्कसँग नै हामी अगाडि बढ्छौं । र, शेरबहादुर देउवालाई स्पष्ट बहुमत प्राप्त हुन्छ । त्यसपछि संविधान र कानुन अनुसार यी प्रतिगमनकारीहरुका जुन हर्कत छन्, ती र अन्य हर्कतहरुलाई रोक्ने दिशातिर नै हामी अगाडि बढ्नु पर्छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)