पार्टीमा गुटबन्दी सुरु गर्ने केपी ओली हुन् : खनाल 

ओलीका कारण पार्टीभित्र विधि, पद्धति मिचिनुका साथै पार्टीमा वैचारिक र सैद्धान्तिक काम शून्य भएको उनको भनाइ छ । 'ओलीले पार्टीमा निरंकुशता,पार्टीलाई बेवास्ता गर्ने, विधि पद्धति मिच्ने काम गरे, 'नेता खनालले भने, 'ओली सरकार गठन भएको यत्रो ३ वर्षसम्म पार्टीका कुनै सरसल्लाह र नीतिहरु प्रतिविम्बित हुन सकेनन् ।'

३ वटा बजेटहरु ल्याउँदा पनि पार्टीका नीति र स्रोतहरु प्रतिविम्बित हुन नसकेको नेता खनालले दाबी गरे । उनले भने,' ओली जी एकलौटी ढंगले अघि बढ्नुभयो । कृषि र भूमि क्रान्ति गर्नुपर्ने कुराहरु हामीले निर्वाचन घोषणा पत्रहरुमा प्रतिबद्धता जनाएका थियौं तर बजेटमा आएनन्, घोषणा भएका कुराहरु लागू भएनन् ।'

ओली सरकारले पार्टीका विचार र धारणा लागू गराउन नसकेको उनले दाबी गरे । भ्रष्टाचारलाई संरक्षण र देशलाई अग्रगतिसँग ओली सरकारले लैजान नसकेको उनले बताए ।

दक्षिणपन्थी अवसरावदीतर्फ ओलीको सरकार गएको उनको भनाइ छ । ओलीले सत्यलाई छोपेर मिथ्यालई अगाडि बढाउने काम गरेको नेता सुरेन्द्र पाण्डेले बताए ।