'खोपमा ज्येष्ठ नागरिकलाई प्राथमिकता देऊ'- समाचार - कान्तिपुर समाचार
कान्तिपुर वेबसाईट
AdvertisementAdvertisement

'खोपमा ज्येष्ठ नागरिकलाई प्राथमिकता देऊ'

कान्तिपुर संवाददाता

काठमाडौँ — कोभिड-१९ विरुद्धको खोप अभियानमा राज्यले ज्येष्ठ नागरिकहरूमाथि उपेक्षा गरेकाे भन्दै विवेकशील साझा पार्टीको ज्येष्ठ नागरिक संगठनले आपत्ति जनाउँदै उनीहरुलाई प्राथमिकता दिन आग्रह गरेको छ ।

कोरोना भाइरस सङ्क्रमणबाट मृत्यु हुनेमा सबैभन्दा उच्च जोखिममा रहेका ज्येष्ठ नागरिकहरूलाई सरकारले खोप अभियानको तेस्रो चरणसम्ममा पनि प्राथमिकतामा नपार्नु अत्यन्त दु:खद र दुर्भाग्यपूर्ण रहेको साझा ज्येष्ठ नागरिक संगठनका संयोजक महेनमोहन श्रेष्ठले जनाएका छन् ।

विश्वभर ज्येष्ठ नागरिकहरूलाई प्राथमिकतामा राखी कोभिड १९ विरुद्धको खोप दिइँदै गरिएकोमा नेपालमा जेष्ठ वर्गमाथि सरकारले गरेको विभेदले सामाजिक न्याय र सुरक्षाप्रति सरकारी उदासीनता छर्लङ भएको भन्दै संगठनले विज्ञप्ति सार्वजनिक गरेको हो ।

अहिलेसम्मको उपेक्षाप्रति क्षमायाचना गर्दै खोप अभियानको यसपछिको चरणमा ज्येष्ठ नागरिकलाई मुख्य प्राथमिकतामा राख्न साझा ज्येष्ठ नागरिक संगठनले सरकारसँग माग गरेको छ ।

प्रकाशित : फाल्गुन २, २०७७ १७:२३
प्रतिक्रिया
पठाउनुहोस्

आगलागी बस्तीमा नि:शुल्क सौर्य उर्जा

राजबहादुर शाही

मुगु — मुगुमकार्मारोङ गाउँपालिका–४ किम्री गाउँको आगलागी बस्तीमा नि:शुल्क सौर्य उर्जा जडान गरिएको छ ।

७५ साल वैशाख २० गते आगलागीबाट ध्वस्त भएका माथिल्लो किम्री गाउँका १९ घरधुरीलाई नि:शुल्क सौर्य उर्जा प्रदान गरिएको हो । आगलागी बस्ती मात्र नभएर किम्रीको तल्लो बस्तीका ६६ घरधुरीले पनि नि:शुल्क सौर्य उर्जा पाएका छन् ।

मानव अधिकार तथा वातावरण विकास केन्द्रको सहजीकरणमा ब्याक टु लाइफले किम्रीका आगलागी १९ घरधुरी सहित ८५ घरधुरीलाई ४० वाटको चार वटा बत्ती बल्ने सौर्य उर्जा पाएपछि वनजंगलबाट सल्लोको दियालोमार्फत उज्यालो गर्दै आएका किम्री गाउँका स्थानीय खुशी भएका छन् ।

आगलागीबाट ध्वस्त किम्री गाउँका १९ परिवारलाई प्रदेश र संघीय सरकारले पुर्नबासको व्यवस्था गर्न नसकेपछि संस्थाले नै पुर्नबासको व्यवस्था गरेको हो । ब्याक टु लाइफले नै १ करोड २५ बजेटमा किम्रीका आगलागी बस्तीका स्थानीयलाई नयाँ घर र शौचालय निर्माण गरी पुर्नबासको व्यवस्था मिलाएको मुगुमकार्मारोङ गाउँपालिकाका अध्यक्ष छिरिङ क्याप्ने लामाले बताए ।

प्रकाशित : फाल्गुन २, २०७७ १७:०७
पूरा पढ्नुहोस्
प्रतिक्रिया
पठाउनुहोस्
×