प्रधानमन्त्रीको अभिव्यक्तिबारे वकिलहरूको निष्कर्ष– 'राजतन्त्रकालमा समेत यस्तो निर्लज्ज प्रहार गरिएको थिएन'

उनीहरुले एक विज्ञप्ति सार्वजनिक गर्दै कानुन व्यवसायीका सबैभन्दा जेष्ठ सदस्यको अपमान र मानमर्दन भएको बताएका हुन् । प्रधानमन्त्रीको अभिव्यक्ति सबै कानुन व्यवसायमाथिकै सत्तापक्षद्वारा निर्लज्ज प्रहार भएको उनीहरुको निष्कर्ष छ ।

प्रधानमन्त्रीको अभिव्यक्तिले संविधानद्वारा संरक्षित कानुन व्यवसायमाथि नै धावा बोलिएकाले लोकतन्त्रका पहरेदार कानुन व्यवसायीमाथिको यो प्रहारलाई मूकदर्शक भएर सहन नसकिने भएकाले विज्ञप्ति निकाल्नु परेको उनीहरुले बताएका छन् ।

'२०१३ सालदेखि संस्थागत स्वरुप ग्रहण गरेको कानुन व्यवसायलाई तमासा देखाएको भनि राजतन्त्रकालमा समेत सत्तापक्षद्वारा यस प्रकारको निर्लज्जप्रहार भएको थिएन' विज्ञप्तिमा भनिएको छ ।