![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — कोरोनाबाट गत साता विदेशमा थप दुई जना नेपालीको मृत्यु भएको छ । जर्मनीमा एक र भारतमा एक जना नेपालीको मृत्यु भएको गैरआवासीय नेपाली संघले जनाएको छ ।
![](https://assets-cdn.ekantipur.com/uploads/source/ads/comp-900x100-1672024010950.gif)
संघका अनुसार जर्मनीमा पहिलोपटक नेपालीले कोरोनाबाट ज्यान गुमाएका हुन् । यससँगै विदेशमा कोरोना संक्रमणबाट ज्यान गुमाउने नेपालीको संख्या ३ सय १ जना पुगेको छ । विश्वका विभिन्न २० मुलुकमा गरी उक्त संख्याका नेपालीको मृत्यु भएको हो ।
संघको स्वास्थ्य समितिका संयोजक डा. सञ्जीव सापकोटाका अनुसार गत साता जापान, साउदी अरब, यूएई, पोर्चुगल र भारतमा रहेका थप नेपालीमा कोरोना संक्रमण देखिएको छ । शनिबार साँझसम्म विदेशमा ४९ मुलुकमा ४८ हजार ६ सय ३९ जना गैरआवासीय नेपाली संक्रमित भएका छन् । सोही अवधिमा ४४ हजार ६ सय ७१ जना संक्रमणबाट मुक्त भएका छन् । यो कुल संक्रमितको ९१ प्रतिशत रहेको हो ।
हालसम्म नेपालमा मात्र २ लाख १६ हजार ५ सय ९४ जना कोरोना भाइरसबाट संक्रमित पुगेका छन् । तीमध्ये २ लाख ३४ हजार ७ सय ५६ जना निको भएका छन् । नेपालमा कोरोना संक्रमणबाट मुक्त हुने दर ९२ दशमलव ३ प्रतिशत छ । नेपालमा कोरोना संक्रमणका कारणले १ हजार ५ सय २९ जनाको ज्यान गएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)