वीरगन्जको नारायणी अस्पतालमा मृत्यु भएका वृद्धमा कोरोना- समाचार - कान्तिपुर समाचार

वीरगन्जको नारायणी अस्पतालमा मृत्यु भएका वृद्धमा कोरोना

भूषण यादव

वीरगन्ज — नारायणी अस्थायी कोरोना अस्पतालमा शुक्रबार बिहान मृत्यु भएका ६५ वर्षीय वृद्धमा कोरोना संक्रमण पुष्टि भएको छ । नारायणी अस्पतालका प्रमुख मेडिकल सुपरिटेन्डेन्ट डा. मदनकुमार उपाध्यायका अनुसार कोरोना अस्पतालमा बिहान मृत्यु भएका वृद्धको परीक्षण रिपोर्टमा कोरोना संक्रमण देखिएको हो ।

ती वृद्धको स्वाब नारायणी अस्पतालको प्रयोगशालामा परीक्षण गरिएको थियो ।

कोरोना अस्पतालमा उपचारकै क्रममा उनको मृत्यु भएपछि स्वाब संकलन गरी परीक्षणमा पठाइएको थियो । दमका रोगी ती वृद्धमा बिहीबार साँझ ज्वरोका साथसाथै स्वासप्रश्‍वासमा समस्या देखिएको थियो ।

वीरगन्ज महानगरपालिका–३ का अध्यक्ष बैजु स्वर्णकारका अनुसार आदर्शनगरमा रहेको एड्भान्स मेडिकेयर हस्पिटलमा उपचार सम्भव नभएपछि उनलाई नेशनल मेडिकल कलेज लगिएको थियो । कलेजले भर्ना गर्न नमानेपछि बिहीबार साँझ कोरोना अस्पताल लगिएको थियो । उपचारको क्रममा शुक्रबार बिहान वृद्धको कोरोना अस्पतालमा मृत्यु भएको चिकित्सकले जनाएका छन् ।

साउनयता पर्सामा १७ जना कोरोना संक्रमितको मृत्यु भएको छ ।

प्रकाशित : श्रावण २३, २०७७ २०:१६
प्रतिक्रिया
पठाउनुहोस्

इंग्ल्यान्ड २ सय १९ रनमा समेटियो*

एजेन्सी

म्यानचेस्टर — पाकिस्तानविरुद्धको पहिलो टेस्टको तेस्रो दिन शुक्रबार इंग्ल्यान्ड आफ्नो पहिलो इनिङ्समा २ सय १९ रन बनाएर अलआउट भएको छ । सुरुवाती दुई इनिङ्सका समाप्तीमा पाकिस्तान १ सय ७ रनले अगाडि छ । 

इंग्ल्यान्डका लागि ओली पोपले सर्वाधिक ६२ रन बनाए । यस्तै जस बटलरले ३२ रनको योगदान दिए । पाकिस्तानी बलरमध्ये यासिर शाह सर्वाधिक सफल बलर रहे र उनले ६६ रन दिएर चार विकेट लिए ।

इंग्ल्यान्डले तेस्रो दिनको खेल चार विकेट गुमाएर ९२ रनबाट अगाडि खेल्न सुरु गरेको थियो । यसअघि पाकिस्तानले आफ्नो पहिलो इनिङ्समा ३ सय २६ रन बनाएको थियो ।

*यसअघि यो समाचारको शीर्षकमा असावधानीका कारण 'पाकिस्तान २ सय १९ रनमा समेटियो' हुन गएकोमा सच्च्याइएको छ ।


प्रकाशित : श्रावण २३, २०७७ २०:०९
पूरा पढ्नुहोस्
प्रतिक्रिया
पठाउनुहोस्
×