जनकपुरमा सरकारविरोधी प्रदर्शन

युवाहरुले 'जनतालाई छैन सरकारको आश, सरकारलाई चाहियो जनताको लाश', 'कार्पेट हैन सोच बदलौं', 'पैसा छैन गोजीमा सरकार करको खोजीमा' लगायतका नाराहरु लेखिएको प्ले कार्डसहित जनकचोक र शिवचोकमा सरकारविरुद्ध नाराबाजी गरेका थिए ।

गरिब, मजदुर तथा व्यापारी लगायतका वर्गका लागि राहतको समेत सरकारले व्यवस्थापन गर्न नसकेको भन्दै यथाशीघ्र यसका लागि पहलकदमी लिन सरकारसँग माग गरेका हुन् । ‘सरकारले अब अति गरिसक्यो । यो सरकारको अन्त्य निश्चित छ महामारीको बेला पनि सरकार कमिसन असुल्ने तथा भ्रष्टाचारमै लिप्त रह्नु एकदमै दुःखद हो,’ प्रदर्शनमा उत्रेका व्यवसायी सरोज मिश्रले भने । सरकारलाई सही बाटोमा ल्याउनका लागि विरोध गरेको बताउँदै उनले माग पूरा नभए अन्य विरोधका अन्य कार्यक्रम पनि गर्ने प्रदर्शनमा उत्रिएका युवाहरुले बताए ।

बिहीबार नै काठमाडौंमा पनि सरकारी रवैयाको विरोधमा प्रदर्शन गरिएको थियो ।