![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — नेकपा अध्यक्ष पुष्पकमल दाहालले कोरोनाका कारण प्रभावित श्रमजीवी वर्गलाई विशेष राहत प्याकेज ल्याउन सरकारको ध्यानाकर्षण गराएका छन् । १३१औं अन्तर्राष्ट्रिय श्रमिक दिवसका अवसरमा शुक्रबार शुभकामना सन्देश जारी गर्दै उनले दैनिक ज्यालादारीबाट जीविकोपार्जन गर्नुपर्नेहरूलाई खाद्यान्नलगायत आवश्यक व्यवस्थापन गर्नुपर्नेमा जोड दिएका छन् ।
![](https://assets-cdn.ekantipur.com/uploads/source/ads/comp-900x100-1672024010950.gif)
‘आज विश्वव्यापी महामारीका रूपमा देखा परेको कोभिड–१९ नामक घातक भाइरसको सामना गर्न सिंगो विश्व नै संघर्षरत छ । यति बेला संसारभरका श्रमजीवी मजदुरको रोजगारी गुमिरहेको छ,’ विज्ञप्तिमा भनिएको छ, ‘संक्रमणबाट बच्न सावधानी र चेतना अभिवृद्धि गर्न श्रमजीवी जनसमुदायमा अपिल गर्छु ।’
दाहालले देशका विभिन्न भागबाट घर फर्किने क्रममा अलपत्र परेका मजदुरलाई सुरक्षित रूपमा पुर्याउनुपर्ने उल्लेख गरेका छन् । २००३ सालमा विराटनगर जुट मिलबाट सुरु भएको श्रमिक आन्दोलन, विभिन्न कालखण्डका सशस्त्र र शान्तिपूर्ण जन–आन्दोलनहरूमा श्रमजीवीको बलिदानीपूर्ण संघर्षलाई समेत दाहालले स्मरण गरेका छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)