संसद्‌को पाँचौं अधिवेशन अन्त्य- समाचार - कान्तिपुर समाचार

संसद्‌को पाँचौं अधिवेशन अन्त्य

कान्तिपुर संवाददाता

काठमाडौँ — संघीय संसद्को पाँचौं अधिवेशन अन्त्य भएको छ । संसद सचिवालयले सूचना जारी गरेर मन्त्रिपरिषद्को सिफारिसमा राष्ट्रपतिले संसद अधिवेशन अत्य गरेको जानकारी दिएको छ ।

राष्टट्रपति विद्यादेवी भण्डारीबाट संसद् सचिवालयलाई प्राप्त पत्रका आधारमा भन्दै संसद् सचिवालयका कार्यवाहक महासचिव गोपालनाथ योगीले सोमबार सूचना जारी गरेका हुन् । सोमबार राति १२ बजेदेखि संसद अधिवेशन अन्त्य भएको हो ।

कोरोना भाइरस (कोभिड- १९)को संक्रमण हुने डरका कारण पछिल्लो समय प्रतिनिधिसभाका बैठक सूचना जारी गरेर सर्दै आएका थिए । राष्ट्रिय सभा बैठक भने अनिश्चितकालका लागि स्थगित भएको थियो ।

प्रतिनिधिसभाको ३० गते बोलाइएको बैठक र राष्ट्रिय सभाको बैठक पनि अब बस्ने छैन । संसद्को पाँचौं अधिवेशन पुस ४ गते बोलाइएको थियो ।

प्रकाशित : चैत्र २४, २०७६ १९:१२
प्रतिक्रिया
पठाउनुहोस्

छुट्टाछुट्टै घटनामा ५ जनाको मृत्यु

कान्तिपुर संवाददाता

विराटनगर — प्रदेश १ का विभिन्न जिल्लामा भएका बेग्लाबेग्लै दुर्घटनामा ५ जनाको मृत्यु भएको छ। प्रदेश प्रहरी कार्यालयका अनुसार आइतबार र सोमबारका घटनामा उनीहरुको मृत्यु भएको हो।

उदयपुरको त्रियुगा नगरपालिका १३ की ३० वर्षीया जनकीदेवी चौधरीको माटोको ढिस्कोले पुरिएर मृत्यु भएको छ। घरनजिकै माटो खन्ने क्रममा ढिस्कोले पुरिएर सिकिस्त भएकी उनको उपचार क्रममा मृत्यु भएको प्रहरीले जनाएको छ।

सोलुखुम्बुको दूधकुण्ड नगरपालिका ५ का २७ वर्षीय पूर्णबहादुर खड्का भीरको फेदीमा मृत फेला परेका छन्। उनी साथीहरुसित दुई दिनअघि घुम्न भनेर हिँडेका थिए। घर नफर्केपछि खोजी गर्ने क्रममा उनी मृत भेटिएको प्रहरीले जनाएको छ।

सुनसरीको कोसी गाउँपालिका २ का ४८ वर्षीय शिवु यादवको बैलगाडाबाट लडेर मृत्यु भएको छ। खेतमा गहुँ लिने जाने क्रममा बैलगाडा नहरको खाल्डोमा पल्टँदा सिकिस्त भएका उनको उपचार क्रममा इनरुवा अस्पतालमा मृत्यु भएको थियो।

यसैबीच, झापाको मेचीनगर ११ मिलडाँडाकी ५६ वर्षीया तारादेवी कुमालको डुबेर मृत्यु भएको छ। छिमेकी घरमा गएका बेला आँगनमा पानी जमाउन बनाइएको खाल्डामा डुबेर मृत्यु भएको प्रहरीले जनाएको छ।

उता ताप्लेजुङको फक्तालुङ ६ फेदीखोलास्थित निर्माणाधीन उत्तर दक्षिण दोभान ओलाङचुङगोला सडकबाट एक्स्काभेटर खस्दा चितवनको इच्छाकामना घर भएका २७ वर्षीय चित्रकुमार गुरुङको मृत्यु भएको प्रहरीले जनाएको छ।

प्रकाशित : चैत्र २४, २०७६ १९:१०
पूरा पढ्नुहोस्
प्रतिक्रिया
पठाउनुहोस्
×