कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४

बुटवलमा कोरोना अस्पतालको आइसोलेसनमा रहेका एक जनाको मृत्यु

कोरोना संक्रमण भए/नभएको पुष्टि हुन बाँकी
अमृता अनमोल

बुटवल — बुटवलस्थित कोरोना अस्थायी अस्पतालको आइसोलेसनमा उपचाररत एक व्यक्तिको आइतबार मृत्यु भएको छ ।आइतबार दिउँसो १ बजे उपचारकै क्रममा उनको बुटवलस्थित कोरोना अस्थायी अस्पतालमा उपचाररत ३४ वर्षीय युवकको मृत्यु भएको हो ।

बुटवलमा कोरोना अस्पतालको आइसोलेसनमा रहेका एक जनाको मृत्यु

प्रदेश ५ का सामाजिक विकास मन्त्री सुदर्शन बरालले कोरोना अस्थायी अस्पतालमा एक जनाको मृत्यु भएको तर कोरोना वा अन्य कारणले भन्ने पुष्टि नभएको जानकारी दिए ।

अस्पतालका मेडिकल सुपरिटेन्डेन्ट डा. राजेन्द्र खनालका अनुसार ती चैत १३ गते अस्पताल भर्ना भएका थिए । उनमा ज्वरो र खोकीको लक्षण देखिएपछि लुम्बिनी प्रादेशिक अस्पतालले सञ्चालन गरेको कोरोना विशेष अस्पताल बुटवल धागो कारखानामा राखिएको थियो । उनको नमुना परीक्षणका लागि आज मात्रै काठमाडौं पठाइएको छ । डा. खनालका अनुसार बिरामीको अवस्था नाजुक हुँदै गएपछि अस्पतालले हिजोदेखि काठमाडौं लैजाने तयारी गरे पनि सुरक्षा अभावमा लैजान सकेको थिएन ।

परिवारका सदस्यअनुसार उनी चैत २ गते दुबईबाट नेपाल फर्किएका थिए । सामान्य ज्वरो आएको भन्दै बेवास्ता गरेका उनले स्थानीय क्लिनिकबाट सिटामोल किनेर खाएका थिए । तर निको नभएर ज्वरोले च्याप्दै गएपछि उनी बुटवलस्थित कोरोना विशेष अस्पतालमा भर्ना भएका थिए । मृतकका परिवार र उनी बस्दै आएको घरका परिवारलाई पनि आइसोलेसनमा राखिएको छ।

प्रकाशित : चैत्र १६, २०७६ १५:२६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?