कोरोना रोकथाम कोषलाई राजपा सांसदले १५ दिनको तलब दिने - समाचार - कान्तिपुर समाचार
कान्तिपुर वेबसाईट
AdvertisementAdvertisement

कोरोना रोकथाम कोषलाई राजपा सांसदले १५ दिनको तलब दिने 

कान्तिपुर संवाददाता

काठमाडौँ — सरकारले स्थापना गरेको कोरोना भाइरस संक्रमण रोकथाम, नियन्त्रण तथा उपचार कोषमा राष्ट्रिय जनता पार्टी (राजपा)का संघीय सांसदहरूले १५ दिनको पारिश्रमिक जम्मा गर्ने भएका छन् । 

राजपा अध्यक्ष मण्डलका संयोजक शरतसिंह भण्डारीले प्रतिनिधिसभा र राष्ट्रिय सभाका सांसदहरूलाई १५ दिनको पारिश्रमिक उपलब्ध गराउन निर्देशन दिएका हुन् । उक्त निर्देशनअनुसार सांसदहरूको १५ दिनको पारिश्रमिक संसद सचिवालयले सोझै कोरोना भाइरस संक्रमण रोकथाम, नियन्त्रण तथा उपचार कोषमा जम्मा गर्ने राजपाका महासचिव केशव झाले जानकारी दिए ।


राजपाबाट संघीय संसद प्रतिनिधिसभामा १७ र राष्ट्रियसभामा २ सांसद छन् ।


सरकारले स्थापना गरेको कोषमा सभामुख अग्निप्रसाद सापकोटा, राष्ट्रिय सभा अध्यक्ष गणेशप्रसाद तिमिल्सिना र उपाध्यक्ष शशीकला दाहालले एक-एक महिनाको पारिश्रमिक जम्मा गराएका छन् । त्यस्तै, सत्ताधारी नेकपा र प्रतिपक्षी कांग्रेसले पनि सांसदहरूको १५-१५ दिनको पारिश्रमिक उक्त कोषमा जम्मा गर्ने निर्णय गरिसकेका छन् ।

प्रकाशित : चैत्र १२, २०७६ १३:४२
प्रतिक्रिया
पठाउनुहोस्

सुनसान पूर्वी नाका (फोटोहरु)

पर्वत पोर्तेल

काँकडभिट्टा — केही दिनअघिसम्म व्यस्त थियो मुलुकको पूर्वी नाका । तर, कोरोना संक्रमण रोक्न सरकारले गरेको नाकाबन्दी र लकडाउनका कारण पूर्वको सीमा नाका चकमन्न छ ।

मंगलबारदेखि भारतले पनि लकडाउन गरेपछि नाका सुनसान भएको छ । भारतीय प्रधानमन्त्री नरेन्द्र मोदीले तीन साताको लकडाउन घोषणा गरेका छन् ।

नाकामा सीमित सुरक्षाकर्मी र स्वास्थ्यकर्मीबाहेक कोही पनि छैनन् । सीमा वारपार गर्न प्रतिवन्ध छ । स्थानीयबासी घरमै छन् ।


भारतको पानीट्यांकी नाका पनि बिहानैदेखि ठप्प छ । मंगलबार रातिसम्म भारत र नेपालतिर अलपत्र परेका सर्वसाधारणलाई प्रवेश दिइएको थियो । तर, सरकारले बुधबारदेखि कोही कसैलाई आउजाउ गर्न नदिने निर्णय गरेको थियो ।





प्रकाशित : चैत्र १२, २०७६ १३:२८
पूरा पढ्नुहोस्
प्रतिक्रिया
पठाउनुहोस्
x
×