बोर्डर बन्द भएपछि सुनौली नाकामा २ सय नेपाली अलपत्र

माधव ढुंगाना

भैरहवा — नेपाल-भारतबीचको सीमा नाका बन्द भएपछि भारतबाट घर फर्किएका नेपालीहरूको ठूलो समूह सुनौली नाकामा अलपत्र परेको छ । भारतको कानपुर, गोरखपुर, बनारस, मुम्बई, मद्रास, दिल्लीलगायतका ठाउँबाट आएका उनीहरूको सुनौली नाकामा अलपत्र परेका हुन् । 

दुई सयको हाराहारीमा रहेका उनीहरूले सीमा बन्द हुने बारे आफूहरूलाई कुनै जानकारी नभएको बताएका छन् । लामो यात्रापछि आफूहरू सीमा नाकामा आइपुगेको उनीहरूले बताए ।


रोजगारीका क्रममा मुम्बईबाट घर फर्किएका नवलपरासीको बुङ्दीकाली गाउँपालिकास्थित डेढ गाउँ घर भएका टेकबहादुर नेपालीले आफ्‍नै देशमा आउँदा समस्या भएको गुनासो गरे । उनले भने, 'हामीलाई राम्रो किसिमबाट चेकजाँच गर्नुहोस् । क्‍वारेन्टाइनमा राख्‍नुहोस् तर यसरी अलपत्रमा नपार्नुहोस् ।'


भारत सरकारले जनता कर्फ्यू लगाएपछि सुनौली बजार पूर्ण रूपमा बन्द छ । बजार बन्दभएपछि उनीहरूको खानसमेत खान नपाएपछि आत्तिएका छन् । भारतीय पक्षबाट आफूहरूलाई नेपालको सीमामा पठाइएपनि नेपाली पक्षबाट रोकावट भएको उनीहरूले बताएका छन् ।


रुपन्देहीका प्रमुख जिल्ला अधिकारी महादेव पन्थले आफू गृह मन्त्रालयको निर्णयको प्रतिक्षामा रहेको बताए । उनले भने, 'मैले यस विषयमा गृह मन्त्रालयलाई जानकारी गराइसकेको छु । मन्त्रालयको निर्णय पर्खिएर बसेको छु ।'


सीमा नाकाबाट २५ किलोमिटरको दूरीमा रहेको बुटवलमा आइसोलेसन वार्ड बनाउने सरकारको तयारी भएपनि अन्योल देखिन्‍छ ।


सीमा नाका आगामन बन्द भएपनि ढुवानी भने खुला छ । सीमा नाका बन्द हुनुभन्दा अघि ८ सय ६७ जना नेपाल भित्रिएका छन् । बोर्डर सिल भएपछि सुनौली नाका हुँदै १२ सय २६ जना सुनौला नाकाबाट ढुवानीका सवारीसहित नेपाल प्रवेश गरेका छन् ।

प्रकाशित : चैत्र १०, २०७६ १४:३९
प्रतिक्रिया
पठाउनुहोस्
ADVERTISEMENT

अत्यावश्यक काम छाडेर गृहमन्त्री थापा प्रहरी समायोजन बैठकमा व्यस्त

मातृका दाहाल

काठमाडौँ — कोरोना भाइरस(कोभिड–१९) को सम्भावित जोखिमविरुद्ध क्रियाशील हुनुपर्ने बेलामा गृहमन्त्री रामबहादुर थापा नेपाल प्रहरी र सातवटै प्रदेशका आन्तरिक मामिला मन्त्रीहरु सम्मिलित प्रहरी समायोजनसम्बन्धी बैठक गृह मन्त्रालयमा बसिरहेको छ । 

कोरोना भाइरसविरुद्धका योजना तथा रणनीति तय गर्नुपर्ने अवस्थामा गृहमन्त्री थापा सात वटै प्रदेशका आन्तरिक मामिला तथा कानुन मन्त्रीहरु र प्रहरी महानिरीक्षक ठाकुरप्रसाद ज्ञवाली सम्मिलित बैठक ३ घण्टादेखि गृहमन्त्रालयमा बसिरहेको छ ।

एक महिनाभित्र समायोजनमा जाने प्रहरीहरुको विवरण तयार पारिसक्नुपर्ने कानुनी बाध्यता भए पनि पछिल्लो पटक देखिएको कोरोनासम्बन्धी सरकारले चालेका कदमसँगै अत्यावश्यकीय र नियमित कामकाजका बाहेकका अन्य प्रशासनिक कामकाजहरु तत्कालका लागि स्थगित गरिएको छ । तर गृहमन्त्री थापा र प्रदेशका आन्तरिक मामिला मन्त्रीहरु प्रहरी समायोजनको बैठकमा केन्द्रित भएका हुन् ।

सोमबार गृहसचिव अध्यक्ष रहेको समायोजन समिति बैठकले प्रहरीमा कार्यरत दर्जागत कुल जनशक्तिको विवरण गृहमन्त्री अध्यक्ष रहेको निर्देशन समितिमा बुझाएको छ ।

प्रकाशित : चैत्र १०, २०७६ १४:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×