चीन र भारतबाट भेन्टिलेटरलगायत सामग्री मगाइँदै

अतुल मिश्र

काठमाडौँ — सरकारले चिकित्सा प्रयोजनका अत्यावश्यक समान चीन र भारत सरकारबाट मगाउने प्रक्रिया अगाडि बढाएको छ । यसअन्तर्गत २०० मनिटर, १०० भेन्टिलेटरसमेत छ ।


सरकारले चिकित्साकर्मीले उपयोग गर्ने व्यक्तिगत सुरक्षा उपकरण, मास्क, थर्मोमिटर, भेन्टिलेटर, मनिटर लगायत चिकित्सा सामग्री दुवै छिमेकी मुलुकवाट ल्याउने प्रक्रिया सुरू गरेको हो । 'हामीले दुवै मुलुकसँग जी टु जी वा किन्ने गरी अत्यावश्यक चिकित्सा सामग्री ल्याउने प्रक्रिया सुरु गरेका छौं', स्वास्थ्य मन्त्रालयका प्रमुख विशेषज्ञ डा. रोशन पोखरेलले बताए ।


उक्त सामग्री व्यवस्थापनका लागि स्वास्थ्य मन्त्रालयले परराष्ट्र मन्त्रालयमार्फत पत्र पठाएको छ ।

प्रकाशित : चैत्र ९, २०७६ १८:३१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

एनआरएनएले कोरोना प्रभावितको समन्वय गर्न हरेक देशमा संयोजक तोक्ने

कान्तिपुर संवाददाता

कोरोना भाइरस (कोभिड १९) को महामारीले विश्वमा उत्पन्न असहज परिस्थितिलाई मध्यनजर गर्दै गैर आवासीय नेपाली संघ (एनआरएनए)ले आफ्ना शाखाहरुलाई परिचालन गर्ने भएको छ ।

एनआरएनएका अध्यक्ष कुमार पन्तको अध्यक्षतामा अन्तर्राष्ट्रिय समन्वय परिषद् (आईसीसी) र सम्पूर्ण मुलुकहरुमा रहेका राष्ट्रिय समन्वय परिषद् (एनसिसी) को संयुक्त बैठकले हरेक देशमा एक–एकजना संयोजक तोक्ने निर्णय गरेको छ ।

महासचिव हेमराज शर्माका अनुसार कोरोना प्रभावित देशहरुमा परिस्थितिमा सहजीकरण तथा समन्वय गर्न हरेक राष्ट्रिय समितिमा एक जना ‘कोअर्डिनेटर’ तोक्ने निर्णय गरिएको हो । बैठकले नेपाल सरकारले विभिन्न देशमा रहेका बैदेशिक नियोग तथा दूतावासहरुसँग समन्वय तथा सहकार्य गरी समस्या समाधानमा हातेमालो गर्ने राष्ट्रिय समितिलाई निर्देशन दिने निर्णय गरेको छ ।

आईसीसी अध्यक्ष पन्तको अध्यक्षतामा गठित उच्चस्तरीय 'हेल्थ कमिटी’ मार्फत सम्बन्धित देशहरुका एनसिसीको समन्वयमा विश्वका विभिन्न क्षेत्रमा समयानुकूल सुविधालाई मध्यनजर गरी अनलाइन स्वास्थ्य जनचेतना कार्यक्रम सञ्चालन निर्णय गरेको छ ।

प्रकाशित : चैत्र ९, २०७६ १८:३०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×