सबै तहका न्यायालय दुई साता बन्द
काठमाडौँ — कोरोना भाइरस (कोभिड-१९) को संक्रमणको जोखिम कम गर्न देशभरका न्यायालयको काम कारबाही दुई साता बन्द हुने भएको छ । सर्वोच्च अदालत उच्च स्रोतका अनुसार बन्दी प्रत्यक्षीकरणका निवेदनबाहेक अरु मुद्दाको काम कारबाही स्थगित हुनेछ ।
शुक्रबार बसेको सर्वोच्चको ‘फूल कोर्ट’ ले यस्तो निर्णय गरेको हो ।
सर्वोच्च अदालत, विषेशसहित देशभरका उच्च अदालत, जिल्ला अदालतहरु अनि विभिन्न न्यायाधीकरणहरुको काम कारबाही चैत २१ गतेसम्म स्थगित हुनेछ ।अदालत प्रशासन पनि बन्द रहनेछ । बन्दी प्रत्यक्षीकरणको निवेदन भने सर्वोच्च, उच्च र जिल्ला अदालतहरुमा सुनुवाई हुनेछ ।
प्रकाशित : चैत्र ७, २०७६ १३:१९प्रतिक्रिया