नेकपालाई यथास्थितिमा एमसीसी अनुमाेदन नगर्न कार्यदलको सुझाव- समाचार - कान्तिपुर समाचार

नेकपालाई यथास्थितिमा एमसीसी अनुमाेदन नगर्न कार्यदलको सुझाव

बबिता शर्मा

काठमाडौँ — सत्तारुढ नेकपाले बनाएको अमेरिकी नियोग मिलेनियम च्यालेन्ज कर्पोरेसन (एमसीसी) अध्ययन कार्यदलले आफ्नो प्रतिवेदन पार्टी अध्यक्षद्वयलाई बुझाएको छ । प्रधानमन्त्री समेत रहेका केपी शर्मा ओली र अर्का अध्यक्ष पुष्पकमल दाहाललाई बुझाइएको प्रतिवेदनमा यथास्थितिमा एमसीसी संसदबाट पारित गर्न नहुने सुझाव दिइएको छ । 

शुक्रबार प्रधानमन्त्री निवास बालुवाटार पुगेर सुझावसहितको प्रतिवेदन बुझाएको कार्यदल सदस्य भीम रावलले जानकारी दिए । कार्यदलको सुझावमा एमसीसीमा समेटिएका केही बुँदाहरु संशोधन गरेरमात्रै अनुमोदन गर्नुपर्ने उल्लेख छ ।


कार्यदलले सरकार र एमसीसीबीच भएको सम्झौता र इण्डो प्यासिफिकका सम्बन्धमा आवश्यक तथ्यहरुको विस्तृत अध्ययन गरेर प्रतिवेदन बुझाएको हो ।


नेकपा केन्द्रीय कमिटीको माघ १५ देखि १९ गतेसम्म बसेको बैठकले वरिष्ठ नेता झलनाथ खनाल संयोजकत्वमा परराष्ट्रमन्त्रीसमेत रहेका स्थायी कमिटी सदस्य प्रदीपकुमार ज्ञवाली र अर्का स्थायी कमिटी सदस्य भीम रावल सदस्य रहेको कार्यदल बनाएको थियो ।


बैठकमा अहिलेकै अवस्थामा एमसीसी सम्झौता अनुमोदन गर्न नहुने र त्यसबारे थप अध्ययन गर्नुपर्ने भन्दै अधिकांश सदस्यले कुरा उठाएपछि कार्यदल बनाइएको थियो ।


कार्यदललाई १० दिनभित्र प्रतिवेदन बुझाउने समयसीमा दिइएको थियो । तर, कार्यदलले तोकिएको समयमा प्रतिवेदन बुझाउन नसकेपछि थप १० दिनको समय पाएको थियो । कार्यदलले प्रतिवेदन बुझाएपछि अब एमसीसीका सम्बन्धमा नेकपाले थप निर्णय गर्नेछ ।

प्रकाशित : फाल्गुन ९, २०७६ १८:५४
प्रतिक्रिया
पठाउनुहोस्

कार दुर्घटनामा महिलाको मृत्यु 

कान्तिपुर संवाददाता

पोखरा — पोखरा महानगरपालिका छोरेपाटनस्थित कार दुर्घटना हुँदा एक महिलाको मृत्यु भएको छ ।

शुक्रबार कालीमाटीेदेखी छोरेपाटनतर्फ आउँदै गरेको ग २ ख ७७६३ नम्बरको कार अनियन्त्रित भई पल्टिँदा महिलाको घटनास्थलमै मृत्यु भएको प्रहरीले जनाएको छ ।

मृतकको पहिचान भने खुलेको छैन । कारमा ५ जना यात्रु सवार रहेको स्थानीयले जनाएको छन ।

प्रकाशित : फाल्गुन ९, २०७६ १८:५३
पूरा पढ्नुहोस्
प्रतिक्रिया
पठाउनुहोस्
×