प्रदेश २ बाट राष्ट्रियसभा सदस्यमा नेकपाकी दाहाल विजयी
धनुषा — प्रदेश २ बाट राष्ट्रियसभा सदस्यमा तुलसाकुमारी दाहाल निर्वाचित भएकी छन् ।
बिहीबार भएको राष्ट्रियसभा सदस्यका लागि भएको मतदानको मतपरिणामअनुसार नेकपा उम्मेदवार दाहाल निर्वाचित भएकी हुन् ।
नेकपा र राजपाकी संयुक्त उम्मेदवार दाहालले महिला सदस्यका लागि भएको निर्वाचनमा कांग्रेसकी नगिना यादवलाई पराजित गरेकी हुन् ।
निर्वाचन कार्यालयका अनुसार दाहालले ५ हजार २०८ मत प्राप्त गरिन् भने यादवले ४ हजार ७४० मत प्राप्त गरेकी थिइन् ।
यादव कांग्रेस र समाजवादी पार्टीकी उम्मेदवार हुन् ।
प्रकाशित : माघ ९, २०७६ १८:२६