अहिंसाको सन्देशका लागि महोत्सव- समाचार - कान्तिपुर समाचार

अहिंसाको सन्देशका लागि महोत्सव

कान्तिपुर संवाददाता

काठमाडौँ — गोरखाको मनास्लु क्षेत्रको चुम उपत्यकामा आगामी वैशाखमा चुम श्याग्या शताब्दी महोत्सव हुने भएको छ । 

अहिंसा क्षेत्र घोषणा भएको ९९ वर्ष पूरा भएर १ सय वर्ष सुरु भएको अवसरमा चुम नुब्री गाउँपालिकाको छेकम्पारस्थित गुम्बा परिसरमा महोत्सव गर्न लागिएको हो । चुम उपत्यका चुम नुब्री गाउँपालिकाको ६ र ७ मा फैलिएको छ ।


१९७७ सालमा उक्त क्षेत्रलाई अहिंसा क्षेत्र घोषणा गरिएको थियो । काटमार नहुने क्षेत्र भएकाले यस क्षेत्रलाई सांस्कृतिक पर्यटकीय केन्द्रका रुपमा परिचित गराउनु महोत्सवको उद्देश्य रहेको मुल समारोह समितिका महासचिव सोनाम चुम्बा लामाले बताए ।


२०६५ सालमा तत्कालीन छेकम्पार गाविसको गाउँ परिषद्ले अहिंसा क्षेत्रको चार किल्ला घोषणा गरेको थियो ।


मनास्लु संरक्षण क्षेत्र आयोजना (एमक्याप) भित्र पर्ने चुमक्षेत्रमा कहिल्यै पनि काटमार हुँदैन । जसका कारण वर्षौदेखि जैविक विविधाको संरक्षणसमेत भएको छ । कुनै पनि पशु वा वन्यजन्तुको काटमार नहुने भएकाले उक्त क्षेत्रको पदयात्रामा जाने पर्यटकलाई यस्तो कुरा नयाँ लाग्ने गरेको छ ।


सिकार खेल्न, भीर मौरी काट्न, डढेलो लगाउन, मासुजन्य प्रयोजनको व्यापारका लागि उक्त क्षेत्रमा प्रतिबन्ध लगाइएको छ । चुम उपत्यकामा बौद्ध गुरु मिलारेपाले समेत ध्यान गरेकाले अहिलेसम्म उक्त क्षेत्रमा बौद्ध धर्मकोका अनुयायीको चासो रहेको छ ।


करिब ३ हजार ७ सय जनसंख्या र ५ सय ६० घरधुरी रहेको चुम उपत्यकामा पुराना गुम्बा, आँखैअघि देखिने हिमश्रृंखला, परम्परागत संस्कृती मुख्य आकर्षण हुन् ।

प्रकाशित : पुस १८, २०७६ २०:१९
प्रतिक्रिया
पठाउनुहोस्

कांग्रेस–समाजवादीबीच राष्ट्रिय सभा उम्मेद्वारीका लागि सहमति

कान्तिपुर संवाददाता

काठमाडौँ — आगामी राष्ट्रिय सभाको निर्वाचनका लागि प्रमुख प्रतिपक्षी कांग्रेस र समाजवादी पार्टीबीच चुनावी तालमेल गर्ने सहमति भएकाे छ । शुक्रबार भएकाे सहमति अनुसार प्रदेश–२ मा हुने ४ पदको निर्वाचनका लागि कांग्रेसका तर्फबाट महिला र अल्पसंख्यक र समाजवादीका तर्फबाट दलित र अन्य पदमा उम्मेद्वारी दिने सहमति भएको छ ।

माघ ९ गते हुने राष्ट्रियसभा निर्वाचनमा सरकारको विपक्षमा रहेका सबै दलहरुसँग तालमेलको ढोका खोल्ने गरी बिहीबारको कांग्रेस केन्द्रीय समितिबिहीबारको कांग्रेस केन्द्रीय समितिले निर्णय गरेको हो ।


प्रकाशित : पुस १८, २०७६ २०:०८
पूरा पढ्नुहोस्
प्रतिक्रिया
पठाउनुहोस्
×