![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — गृहमन्त्री रामबहादुर थापाले वैदेशिक रोजगारीमा रहेका नेपालीहरुको समस्या समाधान गरिदिन साउदी अरेबियालाई आग्रह गरेका छन् । शिष्टाचार भेटका लागि बुधबार मन्त्रालयमा आएका साउदी अरेबियाका राजदूत मुसैद सुलेमान एम अल मारवानीसँग मन्त्री थापाले ठुलो संख्यामा रोजगारीमा रहेका नेपालीहरुको समस्या समाधानमा ध्यान दिन आग्रह गरेका हुन ।
![](https://assets-cdn.ekantipur.com/uploads/source/ads/comp-900x100-1672024010950.gif)
अहिले अरेबियामा तीन लाख बढि नेपाली वैदेशिक रोजगारीमा छन् । राजदूत मारवानीले साउदीमा रोजगारीमा रहेका नेपालीहरुको समस्या समाधान गर्न आफुहरु गम्भिर रहेको बताएका गृहमन्त्री थापाका प्रेस संयोजक किरण भट्टराईले बताए ।
मन्त्री थापाले गत वर्ष हजमा जाने हाजीहरुको संख्या ३ सय थप गरिदिएकोमा साउदी सरकारलाई धन्यवाद दिए । जवाफमा राजदूत मारवानीले हजमा जानेहरुको संख्या अझै बढाउन आफुले पहल गर्ने बताएका थिए ।
भेटमा नेपाल–साउदी अरेबिया द्धिपक्षीय सम्बन्ध, सहयोग र आपसी सहकार्यका विषयमा छलफल भएको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)