ट्रकबाट खसालिए दर्जनौं गाई, २३ मरे, ३० घाइते

कलेन्द्र सेजुवाल

सुर्खेत — सुर्खेत–दैलेख सडकको कटकुवा क्षेत्रमा बेवारिसे गाई भेटिएका छन् । तीमध्ये २३ गाई मृत अवस्थामा छन् । करिब ३० घाइते छन् । 

कटकुवा क्षेत्रको सडक छेउमा छाडिएका गाई । तस्बिर : कलेन्द्र सेजुवाल/कान्तिपुर

नेपालगन्ज उपमहानगरपालिकाको कान्जीहाउसमा रहेका गाई दैलेखको शीरस्थानमा लैजाने क्रममा बिहीबार राति बीच बाटोमै ट्रकबाट खसालिएको प्रहरीले जनाएको छ।

कर्णाली प्रदेश प्रहरी प्रमुख डीआइजी पूर्णचन्द्र जोशीले कानुनी प्रक्रिया पूरा गरी नेपालगन्जबाट ल्याइएका गाई बीच बाटोमै किन खसालिए भन्नेबारे अनुसन्धान भइरहेको बताए।

उनका अनुसार ८ वटा ट्रकमा गाई ल्याइएका थिए। तीमध्ये ५ वटा ट्रकलाई चालकसहित नियन्त्रणमा लिइएकाे छ। कटकुवा क्षेत्रमा मृत्यु भएका बाहेक कम्तीमा १ सय ५० गाई रहेका डीआइजी जोशीले जानकारी दिए।
सडकदेखि केही तल मृत अवस्थामा रहेका गाई। तस्बिर : कलेन्द्र सेजुवाल/कान्तिपुर

पशु चिकित्सकले गाई कसरी मरेका हुन् भन्नेबारे अनुसन्धान सुरु भइसकेको जनाएका छन्। वीरेन्द्रनगनर नगरपालिकाका पशु चिकित्सक नारायण न्यौपानेले मरेका गाईको ग्रस (बाहिरी) र इन्टरनल (भित्री) पोस्टमार्टम गरिने बताए।

चोटपटकले मरेका हुन् वा कुनै रोगले मरेका हुन् भन्नेबारे पोस्टमार्टम रिपोर्ट आएपछि खुल्ने उनको भनाइ छ। ‘बाहिरबाट हेर्दा मरेका गाईमा चोटपटक लागेको देखिन्छ,’ उनले भने, ‘मृत्युको खास कारण त रिपोर्ट हेरेपछि थाहा होला।’

प्रकाशित : भाद्र १३, २०७६ १२:५०
प्रतिक्रिया
पठाउनुहोस्

नयाँ एन्ड्रोइडको नाम के होला ?

कान्तिपुर संवाददाता

गुगलको अपरेटिङ सिस्टम एन्ड्रोइडको विशेषता के भने यसको हरेक संस्करणमा अनेक नाम राखिएका छन् र ती सबै नाम कुनै न कुनै चकलेटबाट लिइएको छ  ।

अर्को महिना गुगलले आफ्नो अपरेटिङ सिस्टमको नयाँ संस्करणको घोषणा गर्दैछ र यसै वर्षदेखि यो अपरेटिङ सिस्टम प्रयोगकर्ताले चलाउन पाउनेछन् । तर, गुगलले भने ब्लगपोस्ट जारी गर्दै नाममा रहेको रमाइलो नरहने संकेत गरेको छ । ‘एन्ड्रोइड ए’ बाट सुरु भएको नाम यात्रामा अबको पालो अंग्रेजी अक्षरको ‘क्यू’ को हो । तर, अब भने एन्ड्रोइडको नाम चकलेटबाट नभएर अरू नै राख्ने गुगलले ब्लगमार्फत जानकारी गराएको छ ।

प्रकाशित : भाद्र १३, २०७६ १२:४०
पूरा पढ्नुहोस्
प्रतिक्रिया
पठाउनुहोस्