सर्वदलीय बैठक बालुवाटारमा जारी

कान्तिपुर संवाददाता

काठमाडौँ — प्रधानमन्त्री केपी ओलीको आह्वानमा बालुवाटारमा सर्वदलीय बैठक सुरु भएको छ । बैठकमा संसद्‌मा विचाराधिन विधेयक, सत्य निरुपण तथा मेलामिलाप आयोग, व्यक्ति वेपत्ता छानबिन आयोगका पदाधिकारी नियुक्त लगायत विषयमा छलफल हुने नेताहरुले बताएका छन् ।

बैठकमा सत्तारुढ नेकपा, समाजवादी पार्टी, प्रमुख प्रतिपक्षी नेपाली कांग्रेस र राजपाका नेताहरु सहभागी छन्।

बैठकमा प्रधानमन्त्री ओली, पूर्वप्रधानमन्त्री एवं नेकपा अध्यक्ष पुष्पकमल दाहाल, पूर्वप्रधानमन्त्री एवं नेकपा नेता झलनाथ खनाल, महासचिव ईश्वर पोखरेल, प्रवक्ता नारायणकाजी श्रेष्ठ लगायत नेता छन् ।

कांग्रेसबाट पूर्वप्रधानमन्त्री एवं सभापति शेरबहादुर देउवा, नेताहरु कृष्ण सिटौला, विजय गच्छेदार लगायत छन् । त्यस्तै राजपाबाट महन्थ ठाकुर, राजकिशोर यादव र समाजवादीबाट बाबुराम भट्टराई र उपेन्द्र यादव सहभागी छन् ।

प्रकाशित : भाद्र ३, २०७६ १८:२२
प्रतिक्रिया
पठाउनुहोस्

कुरकुरे उद्योगमा आगलागी

कान्तिपुर संवाददाता

ललितपुर — गोदावारी नगरपालिका-१३ स्थित गुराय फुडमा आगलागी भएको छ । आगलागीका कारण उद्योग पूर्ण रुपमा जलेको प्रहरीले जनाएको छ ।

प्रतिकात्मक तस्बिर

मंगलबार बिहान ११ बजे लागेको आगो दिउँसो ४ बजे नियन्त्रणमा लिइएको महानगरीय प्रहरी वृत चापागाउँका डीएसपी रामकृष्ण सापकोटाले जानकारी दिए।

उद्योगले कुरकुरे उत्पादन गर्दै आएको प्रहरीले जनाएको छ।

प्रकाशित : भाद्र ३, २०७६ १८:२१
पूरा पढ्नुहोस्
प्रतिक्रिया
पठाउनुहोस्