काठमाडौँ — काठमाडौं उपत्यकाका सडकमा नगर प्रहरीको उपस्थिति नदेखिएको र अव्यवस्थित पार्किङसँगै फुटपाथमा व्यापारले महानगर क्षेत्र अस्तव्यस्त बनेको भन्ने गुनासो आइहरेका बेला महानगरका प्रहरीहरु सडकमा देखिन थालेका छन् ।

काठमाडौं महानगरपालिकाले पूर्णरुपमा महानगर प्रहरीलाई फिल्डमा परिचालन गरेको नगर प्रहरी वरिष्ठ उपरीक्षक (एसएसपी) एवं महानगर प्रहरी बलका प्रमुख विष्णुप्रसाद जोशी जानकारी दिएका हुन् । अहिले न्युरोडलगायतका क्षेत्रमा नगरप्रहरी नियमित ड्युटीमा रहेको पनि उनले उल्लेख गरे ।

महानगर प्रहरीले त्रिपुरेश्वरस्थित राहदानी विभाग अगाडि मोटरसाइकलमा ह्विललक लगाएको विषयमा विवाद भएपछि गणेश नेपालीले गत बिहीबार आत्मदाहको प्रयासपछि उपचारका क्रममा उनको मृत्यु भएको थियो । नेपालीको मृत्यु प्रकरणपछि सडकमा नगर प्रहरीको उपस्थिति नदेखिएको र अव्यवस्थित पार्किङसँगै फुटपाथमा व्यापार गर्नेलगायतको समस्याले महानगर क्षेत्र अस्तव्यस्त बनेको देखिएको थियो ।