'स्विप अपरेसन' नाम दिएर प्रहरी परिसर भक्तपुर, प्रहरी वृत्त जगाती र प्रहरी वृत्त थिमीबाट शनिबार दिउँसो ३ बजेदेखि ६ बजेसम्ममा विभिन्न गतिविधिमा संलग्न रहेको आशंकामा ती व्यक्तिहरुलाई नियन्त्रणमा लिएको प्रहरी परिसर भक्तपुरमा प्रमुख एसपी सूर्यबहादुर खड्काले जानकारी दिए ।
भक्तपुर — जिल्ला प्रहरी परिसर भक्तपुरले शनिबार तीन घण्टामा ६० जनालाई नियन्त्रणमा लिएको छ । 'स्विप अपरेसन' नाम दिएर प्रहरी परिसर भक्तपुर, प्रहरी वृत्त जगाती र प्रहरी वृत्त थिमीबाट शनिबार दिउँसो ३ बजेदेखि ६ बजेसम्ममा विभिन्न गतिविधिमा संलग्न रहेको आशंकामा ती व्यक्तिहरुलाई नियन्त्रणमा लिएको प्रहरी परिसर भक्तपुरमा प्रमुख एसपी सूर्यबहादुर खड्काले जानकारी दिए । उनका अनुसार गुण्डागर्दीमा संलग्न, लागुऔषध दुर्व्यसनीलगायत आपराधिक गतिविधिमा संलग्न रहेको आशंकामा नियन्त्रणमा लिइएको हो ।
उनीहरूलाई भक्तपुरका विभिन्न प्रहरी वृत्तमा राखिएको छ । आइतबार थप अनुसन्धान गरी आपराधिक रिपोर्ट परिक्षण गरी निर्दोष रहे रिहाई गर्ने र दोषी देखिए थप कारबाही अगाडि बढाइने एसपी खड्काको भनाइ छ ।
