उनको साथबाट अवैध अभौतिक मुद्राको कारोबार गर्न प्रयोग भएको २ मोबाइल पनि प्रहरीले बरामद गरेको छ ।
काठमाडौँ — १९ करोड ८१ लाख रुपैयाँभन्दा बढी बराबरको क्रिप्टोकरेन्सी कारोबार गरेको आरोपमा २३ वर्षीय युवक पक्राउ परेका छन् । पक्राउ पर्नेमा काठमाडौं–१५, डल्लुका मोहम्मद सफे छन् ।
जिल्ला प्रहरी परिसर, काठमाडौंका एसपी पवन भट्टराईका अनुसार उनलाई अवैध अभौतिक मुद्राको कारोबार गर्न प्रयोग भएको २ मोबाइलसहित पक्राउ गरिएको छ ।
विशेष सूचनाका आधारमा खटिएको टोलीले उनलाई नियन्त्रणमा लिएर अदालतबाट ५ दिन हिरासतमा राख्न अनुमति लिएको उनले बताए ।
