काठमाडौँ —  प्रोटोन गाडीको आधिकारिक वितरक जगदम्बा मोटर्सले भक्तपुरमा नयाँ शोरुम तथा सर्भिस सञ्जाल विस्तार गरेको छ  । कम्पनीका अनुसार भक्तपुरको राधे–राधेमा अत्याधुनिक सुविधासम्पन्न शोरुम तथा सर्भिस सेन्टर सञ्चालनमा ल्याउनुका साथै आगामी सातादेखि वीरगञ्ज, जनकपुर र नेपालगञ्जमा पनि नयाँ आधिकारिक शोरुम सञ्चालनमा आउँदै छ ।

मंगलबार औपचारिक रूपमा सेवा शुभारम्भ गरिएको भक्तपुरस्थित शोरुम तथा सर्भिस सेन्टर पूर्वाधार र सेवा गुणस्तरका हिसाबले नेपालकै उत्कृष्ट प्रोटोन शोरुम तथा सर्भिस सेन्टर रहेको कम्पनीको दाबी छ ।

नेपालमा ग्राहक–केन्द्रित अग्रणी विद्युतीय सवारी (ईभी) ब्रान्डका रूपमा योगदान पुर्‍याउने लक्ष्यसहित कम्पनीले शोरुम तथा सर्भिस नेटवर्क विस्तार अभियान अघि बढाएको जनाएको छ ।  प्रोटोनप्रति ग्राहकहरूको बढ्दो विश्वासलाई ध्यानमा राख्दै देशभर उत्पादन र सेवाको सहज पहुँच पुर्‍याउने उद्देश्यले सेवा सञ्जाल विस्तार गरिएको कम्पनीको भनाइ छ ।