काठमाडौंस्थित ला टेरेसमा आयोजित कार्यक्रममा प्युजोका ग्राहक, व्यावसायिक साझेदार तथा फ्रान्सेली संस्कृति र जीवनशैलीमा रुचि राख्ने अतिथिहरू सहभागी थिए।
काठमाडौँ — अग्नि समूहअन्तर्गतको प्युजो मोटरसाइकल्स नेपालले फ्रान्सेली संस्कृति र जीवनशैली प्रवर्द्धन गर्ने उद्देश्यले ‘सोइरे फ्रान्सेज ( फ्रान्सेली सौन्दर्यको एक साँझ) शीर्षकमा विशेष कार्यक्रम आयोजना गरेको छ।
काठमाडौंस्थित ला टेरेसमा आयोजित कार्यक्रममा प्युजोका ग्राहक, व्यावसायिक साझेदार तथा फ्रान्सेली संस्कृति र जीवनशैलीमा रुचि राख्ने अतिथिहरू सहभागी थिए। कम्पनीका अनुसार कार्यक्रममार्फत फ्रान्सको सांस्कृतिक विरासत, उत्कृष्टता र मित्रताको भावनालाई प्रवर्द्धन गर्दै ग्राहक र साझेदारसँगको सम्बन्ध थप सुदृढ बनाउने प्रयास गरिएको हो।
कम्पनीले सन् २०२६ को फिफा विश्वकपमा फ्रान्सेली टोलीले प्रदर्शन गरेको समर्पण, दृढता र एकताको भावनाबाट कार्यक्रम प्रेरित भएको जनाएको छ। ती मूल्यहरू प्युजो ब्रान्डको दीर्घकालीन पहिचानसँग पनि मेल खाने कम्पनीको भनाइ छ।
कार्यक्रममा फ्रान्सेली परिकार, पेरिस शैलीको सजावट तथा अन्तरक्रियात्मक भेटघाटको व्यवस्था गरिएको थियो। कम्पनीले यसलाई आफ्ना ग्राहकप्रति कृतज्ञता व्यक्त गर्ने र नेपालमा प्युजो समुदायसँगको सम्बन्ध अझ सुदृढ बनाउने अवसरका रूपमा लिएको जनाएको छ।
यस अवसरमा प्युजो मोटरसाइकल्स नेपालका प्रतिनिधिले गुणस्तरीय गतिशीलता सेवा उपलब्ध गराउनुका साथै ग्राहकलाई अन्तर्राष्ट्रियस्तरको जीवनशैली अनुभव प्रदान गर्ने प्रतिबद्धता दोहोर्याएका थिए। कार्यक्रम फ्रान्सेली संस्कृति, मित्रता र उत्कृष्टताप्रति सम्मान व्यक्त गर्दै सम्पन्न भएको कम्पनीले जनाएको छ।
