काठमाडौँ — दराज नेपालले ७.७ महाबचत बजार अभियानको आयोजना गर्ने घोषणा गरेको छ ।

अभियानमार्फत ग्राहकले आकर्षक छुट, विशेष ब्रान्ड अफर, डिजिटल भुक्तानीमा छुट तथा रोमाञ्चक उपहार जित्ने अवसर प्राप्त गर्न सक्ने कम्पनीले जारी गरेको विज्ञप्तिमा उल्लेख छ ।

७.७ महाबचत बजार सेल अभियान, जुलाई ६ (२२ असार, २०८३) को बेलुकी ८ बजेदेखि आरम्भ हुनेछ । अभियान अवधिभर ग्राहकले विभिन्न क्याटेगोरीका उत्पादनमा ७५ प्रतिशतसम्मको छुट प्राप्त गर्न सक्ने विज्ञप्तिमा जनाइएको छ ।

नि:शुल्क डेलिभरी र ५० लाख बराबरका भौचरसमेत उपलब्ध हुने कम्पनीले बताएको छ ।

ग्राहकले सेल अवधिभर दराजका लोकप्रिय साझेदार ब्रान्डहरूका तर्फबाट विशेष अफर पनि प्राप्त गर्न सक्ने विज्ञप्तिमा जनाइएको छ ।