काठमाडौँ — डिजिटल पेन्ट्सले रङरोगनको व्यवसायसँगै सामाजिक उत्तरदायित्वका कार्यक्रमलाई पनि निरन्तर प्राथमिकता दिँदै आएको छ ।

केही समयअघि कम्पनीले सुनसरीको तरहरास्थित इलाका प्रहरी कार्यालय तरहराका दुवै भवनमा नि:शुल्क रङरोगन गरी सुरक्षा निकायप्रति सम्मान व्यक्त गरेको कम्पनीले जारी गरेको विज्ञप्तिमा उल्लेख छ ।

अभियानलाई निरन्तरता दिँदै कम्पनीले अहिले न्यून आय भएका सडक व्यवसायी तथा दैनिक ज्यालादारी गरेर जीविकोपार्जन गर्ने नागरिकलाई नि:शुल्क गार्डेन अम्ब्रेला वितरण गरेको विज्ञप्तिमा उल्लेख छ ।

खुला आकाशमुनि व्यवसाय सञ्चालन गर्न बाध्य व्यवसायीलाई चर्को घाम र वर्षायामको वर्षाबाट केही राहत पुगोस् भन्ने उद्देश्यले उक्त सहयोग गरिएको कम्पनीका प्रमुख कार्यकारी अधिकृत (सीईओ) देवीप्रसाद गौतमले जनाए ।

सामाजिक उत्तरदायित्व उद्योगको दायित्व मात्र नभई समाजप्रतिको प्रतिबद्धता भएको उनको भनाइ छ ।