काठमाडौँ — अन्तर्राष्ट्रिय शिक्षा क्षेत्रमा उल्लेखनीय योगदान पुर्‍याएको भन्दै ब्रिटिस काउन्सिलले अर्बिट ग्रुपलाई ‘प्लाटिनम पार्टनर अवार्ड’ प्रदान गरेको छ ।

काउन्सिलले आफ्ना व्यावसायिक साझेदारमध्ये उत्कृष्ट कार्य गरेको भन्दै अर्बिटलाई उक्त सम्मान दिएको हो ।

राजधानीमा बिहीबार आयोजित कार्यक्रममा अर्बिट ग्रुपका प्रबन्ध निर्देशक सुनिल रेग्मीलाई नेपालका लागि बेलायती राजदूतावासका सामाजिक विकास प्रमुख एन्ड्रियू लङले अवार्ड प्रदान गरे ।

आईएलटीएस तयारी कक्षामा नेपालमा ६० प्रतिशतभन्दा बढी बजार हिस्सा ओगटेको अर्बिट ग्रुपले जनाएको छ ।

यस सम्मानले थप जिम्मेवारी बढाएको रेग्मीले बताए । कार्यक्रममा ब्रिटिस काउन्सिलले अन्य संस्थालाई पनि विभिन्न विधामा सम्मान गरेको छ ।

‘टप एसोसिएसन अवार्ड’ नेपाल शैक्षिक परामर्श संघ (इक्यान) ले प्राप्त गरेको छ ।