विश्वभरका अर्बौं दर्शकको आकर्षणको केन्द्र रहने यस प्रतियोगिताले खेलकुदमार्फत मानिसहरूलाई एकताबद्ध गराउँछ ।
काठमाडौँ — नेपाल लाइफ इन्स्योरेन्स कम्पनी लिमिटेडले नेपालमा फिफा विश्वकप २०२६ को प्रसारणका लागि हिमालय स्पोट्र्ससँग सह–प्रायोजकका रूपमा सहकार्य गरेको छ ।
यस सहकार्यअन्तर्गत नेपाल लाइफ फिफा विश्वकप २०२६ को प्रसारण हिमालय स्पोट्र्स टिभी तथा दिगो एपमा हुनेछ ।
विश्वकै सर्वाधिक लोकप्रिय खेल महोत्सव फिफा विश्वकप २०२६ को प्रसारणमा हिमालय स्पोट्र्ससँग सह–प्रायोजकका रूपमा सहकार्य गर्न पाउँदा आफूहरु गौरवान्वित भएको नेपाल लाइफ इन्स्योरेन्सका प्रमुख कार्यकारी अधिकृत प्रवीणरमण पराजुलीले बताए ।
विश्वभरका अर्बौं दर्शकको आकर्षणको केन्द्र रहने यस प्रतियोगिताले खेलकुदमार्फत मानिसहरूलाई एकताबद्ध गराउँछ ।
