काठमाडौँ — आईकार सुपर भी२३ ले रेड डट अवार्ड : डिजाइन्न कम्सेप्ट २०२६ अवार्ड पाएको छ ।

जर्मनीमा प्रदान गरिने यस सम्मानले आईकारको मौलिक डिजाइन क्षमता तथा भविष्यको मोबिलिटीप्रतिको दूरदर्शी सोचलाई अन्तर्राष्ट्रिय स्तरमा मान्यता दिएको कम्पनीले जारी गरेको विज्ञप्तिमा उल्लेख छ ।

सन् १९५५ मा स्थापना भएको रेड डट अवार्डलाई आई डिजाइन अवार्ड तथा इन्टरनेसनल डिजाइन एक्सिलेन्स अवार्डसँगै विश्वकै तीन प्रतिष्ठित डिजाइन सम्मानमध्ये एक मानिने विज्ञप्तिमा जनाइएको छ ।

उत्कृष्ट डिजाइन तथा नवप्रवर्तनलाई सम्मान गर्ने यस अवार्डलाई प्राय: ‘डिजाइनको ओस्कार’ भनेर पनि चिनिने कम्पनीको दाबी छ ।