ग्राहकले स्मार्टफोन, सामसङ टीभी, रेफ्रिजेरेटर र वासिङ मेसिनमा अधिकतम ६ प्रतिशतसम्म क्यासब्याक, एनसेल रिचार्जमा अधिकतम १ सय ८० जीबी बोनस डेटा, २४ महिनासम्मको ईएमआई सुविधा पाउने
काठमाडौँ — सामसङ नेपालले ‘रेमिटमा बेनिफिट’ नामक विशेष उपभोक्ता अभियान घोषणा गरेको छ ।
यो पहल वैदेशिक रोजगारीमा रहेका नेपाली कामदार र उनीहरूका परिवारलाई सम्मान गर्दै उनीहरूको रेमिट्यान्स जीवनस्तर सुधार गर्ने अवसरमा रूपान्तरण गर्ने उद्देश्यले ल्याइएको कम्पनीले जारी गरेको विज्ञप्तिमा उल्लेख छ ।
सामसङले यस अभियानमार्फत आकांक्षा र पहुँचबीचको दूरी कम गर्ने लक्ष्य राखेको बताइएको छ ।
यस अभियानअन्तर्गत नेपालभर रहेका रेमिट्यान्स–आधारित परिवारलाई प्रिमियम प्रविधि अझ सहज रूपमा उपलब्ध गराउने विशेष अफर प्रस्तुत गरिएको विज्ञप्तिमा जनाइएको छ ।
यस अभियानअन्तर्गत ग्राहकले स्मार्टफोन, सामसङ टीभी, रेफ्रिजेरेटर र वासिङ मेसिनमा अधिकतम ६ प्रतिशतसम्म क्यासब्याक, एनसेल रिचार्जमा अधिकतम १ सय ८० जीबी बोनस डेटा, २४ महिनासम्मको ईएमआई सुविधा पाउने कम्पनीको भनाइ छ ।
