नवलपरासी — नवलपुर उद्योग वाणिज्य संघमा एमालेका विद्रोही उम्मेदवार बुद्धिसागर पोखरेल विजयी भएका छन् । निर्वाचन समितिका अनुसार बुधबार सम्पन्न अधिवेशनबाट अध्यक्षमा पोखरेल ४ सय ४७ मत प्राप्त गरी विजयी भएका हुन् । उनका निकटतम प्रतिद्वन्द्वी भेषबहादुर अधिकारीले २ सय ९२ मत प्राप्त गरे ।

अधिकारी एमालेका आधिकारिक उम्मेदवार हुन् । यसपटकको निर्वाचनमा रास्वपाले एमाले, कांग्रेस र नेकपाका विद्रोही उम्मेदवारको टिम बनाएर गठबन्धन बनाएको थियो । वरिष्ठ उपाध्यक्षमा बालकृष्ण पाण्डे ३ सय ५६ मतसहित विजयी भए । उनका प्रतिस्पर्धी नवराज सुवेदीले २ सय ७७ मत पाए ।

प्रथम उपाध्यक्षमा गोविन्दबहादुर क्षेत्री ३ सय ४६ मतसहित विजयी भएका छन् भने हरिकला ढकालले २ सय ६६ मत प्राप्त गरेकी छन् । द्वितीय उपाध्यक्षमा दीपकचन्द्र भट्टराई ३ सय ८ मतसहित विजयी हुँदा पदमबहादुर खत्रीले ३ सय ६ मत ल्याएका थिए ।