काठमाडौँ — पोखरामा पहिलो आउटलेट सञ्‍चालनमा ल्याएको एसजे मोटो र हिमालयन जाभाले काठमाडौंकाे कान्तिपथमा दोस्रो आउटलेट सञ्‍चालनमा ल्याएको छ । सन् २०२१ मा स्थापना गरिएको यस स्थानलाई पूर्ण रूपमा परिमार्जन गरी नयाँ स्वरूप प्रदान गरिएको छ।

अब यो आउटलेट अझ फराकिलो सिटिङ क्षेत्र र ताजा वातावरणसहित बाइकिङ उत्साही तथा कफी पारखीहरूलाई एउटै छानामुनि जोड्ने उद्देश्यले तयार गरिएको छ।

काठमाडौं आउटलेटले प्रिमियम कफीको स्वाद लिन, आपसी भेटघाट गर्न र मोटरसाइकल संस्कृतिको उत्सव मनाउन अनौठो र आकर्षक स्थान उपलब्ध गराउँछ।

नयाँ परिवेशले आराम, समुदाय र आपसी सम्बन्धलाई विशेष प्राथमिकता दिएको छ, जसले दुवै ब्रान्डको साझा दृष्टिकोण-परम्परागत क्याफेभन्दा फरक एक जीवनशैली गन्तव्य सिर्जना गर्ने-प्रतिबिम्बित गर्नेछ ।

एसजे मोटोका संस्थापक सौरभ ज्योतिले भने, 'पोखरामा हाम्रो पहिलो सहकार्यात्मक आउटलेट सुरु गरेदेखि नै हामीले बाइकर्स र कफी पारखीहरूको बढ्दो समुदाय देखिरहेका छौं । काठमाडौंको यो परिमार्जित स्थानमार्फत हामी दुवै रुचिलाई उत्सवमय बनाउने अझ ठूलो र अन्तरक्रियात्मक वातावरण प्रदान गर्न चाहन्छौं ।'