विभिन्न सतह र ग्राभेल सडकमा समेत नियन्त्रण कायम राख्नेगरी यसको शक्ति सन्तुलन मिलाइएको कम्पनीले जनाएको छ। कायलाकको मूल्य ४५ लाख ९० हजार रुपैयाँदेखि सुरु हुन्छ। स्वचालित (अटोमेटिक) संस्करणको मूल्य ५२ लाख ९० हजार रुपैयाँबाट प्रारम्भ हुन्छ। ट्राफिक तथा उकालोमा रोकिँदा–चलाउँदा सहज र तनावमुक्त हुने यसको विशेषता भएकाे कम्पनीको भनाइ छ । 

सुरक्षातर्फ, स्कोडाको पाँचतारे सुरक्षा इन्जिनियरिङमा आधारित कायलाकले अन्तर्राष्ट्रिय ‘युरो एनक्याप’ र ‘भारत एनक्याप’ जस्ता क्र्यास परीक्षणमा पाँचतारे मूल्याङ्कन प्राप्त गरेको कम्पनीले जनाएको छ । नेपालका मनाङ, ढोरपाटन र तीनजुरे (३,७५६ मिटर) जस्ता उच्च तथा चुनौतीपूर्ण भूभागमा पनि परीक्षण गरिएको थियाे ।

भारतमा सार्वजनिक भएको पहिलो वर्षमै ५० हजारभन्दा बढी युनिट बिक्री भएको कायलाकले विभिन्न अटो अवार्ड कार्यक्रमबाट ‘कार अफ द इयर २०२५’ लगायत सम्मान प्राप्त गरिसकेको कम्पनीको भनाइ छ।