काठमाडौँ — गुरुङ ब्युटिपार्लर एन्ड एकेडेमीले सेवा विस्तार गरेको छ । सञ्चालक चिनु गुरुङले सौन्दर्य क्षेत्रमा ३० वर्षसम्म हासिल गरेको अनुभवलाई थप परिस्कृत र परिमार्जनसहित ललितपुरमा नयाँ शाखा खोलेकी हुन् ।

कुमारीपाटीमा पार्लरको शुक्रबार उद्घाटन गरिएको हो । नयाँ शाखा सौन्दर्य सर्भिस र एकेडेमी दुवैलाई लक्षित गरी सञ्चालनमा ल्याइएको गुरुङको भनाइ छ । उनका अनुसार सौन्दर्य क्षेत्रको बेसिक, प्रोफेसनल तथा एडभान्स तालिम सञ्चालन हुनुका साथै सौन्दर्यसँग सम्बन्धित सम्पूर्ण सेवा उपलब्ध हुनेछ ।

सन् १९९५ मा स्थापना भएको गुरूङ ब्युटी एकेडेमीले सौन्दर्य सेवा तथा प्रशिक्षण क्षेत्रमा महत्वपूर्ण पहिचान बनाउँदै आएको छ । यस संस्थाले देशभरका सयौँ विद्यार्थीलाई दक्ष र सीपयुक्त बनाउँदै राष्ट्रिय तथा अन्तर्राष्ट्रिय बजारमा प्रतिस्पर्धी व्यावसायिक सिर्जना गर्न सफल भएको सञ्चालक गुरुङको दाबी छ ।