काठमाडौँ — इटहरी इन्टरनेशनल कलेजले इटहरीको सोल्टी वेस्टेन्डमा आफ्नो वार्षिक दीक्षान्त समारोह गरेको छ।

सोमबार आयोजित समारोहमा बिएससी (अनर्स) कम्प्युटिङ तथा बिए (अनर्स) बिजनेस एडमिनिस्ट्रेशन कार्यक्रमका स्नातक विद्यार्थीहरूको सहभागिता थियो ।

कार्यक्रममा स्नातकहरूको उपलब्धि र भविष्यका सम्भावनाबारे विशेष चर्चा गरियो। समारोहमा यस वर्षका उत्कृष्ट विद्यार्थीका रूपमा लेनिसा घिमिरेलाई आइएनजी छात्रवृत्ति प्रदान गरिएको कलेजले जनाएको छ।

कलेजका अनुसार, यी छात्रवृत्तिहरू विद्यार्थीहरूको निरन्तर परिश्रम, नेतृत्व क्षमता र शैक्षिक उत्कृष्टताको सम्मान स्वरूप प्रदान गरिएको हो।

आइएनजी कलेज समूहले उनीहरूको आगामी शैक्षिक यात्रामा निरन्तर साथ–समर्थन रहने प्रतिवद्धता व्यक्त गरेको छ।

विद्यार्थीहरूको मेहनत, धैर्य र समर्पण नै आजको सफलता रहेको आइएनजीका संस्थापक तथा अध्यक्ष सुलभ बुढाथोकीले जनाए ।