उक्त कार्यक्रम सिटी सेन्टरको आयोजना, इभेन्ट नेपालको सहकार्यमा विभिन्न कम्पनीहरूको सहभागितामा सम्पन्न भएको थियो । पुरस्कार वितरण कार्यक्रममा बोल्दै सिटी सेन्टरका व्यवस्थापक अनिस महर्जनले भने, ‘हामीले ग्राहकका लागि विभिन्न समयमा यस्ता कार्यक्रम सञ्चालन गर्ने गरेका छौं । यसले हाम्रो ग्राहकहरूसँगको अन्तरक्रिया र सद्भाव निर्माण हुने हुँदा आगामी दिनमा अझै बृहत् रूपमा सेवा र सुविधासहित योजनाहरू ल्याउनेछौं ।’

सिजी मोटर्स (हिरो) का म्यानेजर प्रदीप पालले पुरस्कार हस्तान्तरण गर्दै भने, ‘हामीले यसरी विभिन्न व्यावसायिक स्थलहरूमा सहभागीलाई पुरस्कार वितरण गर्न पाउँदा सेवाग्राही लाभान्वित हने मात्र नभई आफ्नो ब्रान्ड प्रवर्द्धनमा पनि टेवा पुगेको छ । आगामी दिनमा पनि यस्ता कार्यक्रममा हाम्रो ब्रान्डले सहकार्य गर्नेछ ।’

सिटी सेन्टर आफ्ना ग्राहकका लागि सबै सेवा सुविधासहितको व्यावसायिक सपिङ महल हो । यहाँ बच्चाका लागि खेल्ने ठाउँ, कफी सप र फुडकोर्टसहितको व्यवस्था छ । विभिन्न ब्रान्डहरू सुपथ मूल्यमा उपलब्ध हुने यस सिटी सेन्टरले विभिन्न समयमा यस्ता कार्यक्रम आयोजना गर्दै ग्राहकको विश्वास जित्न सफल भएको छ ।