नेपालमा भिसा लिडरशिप कन्क्लेभ केवल प्रगतिको उत्सव मात्र नरहेको भिसाका भारत तथा दक्षिण एसियाका उत्पादन प्रमुख रामकृष्णन गोपालनले बताए । यो भुक्तानीको भविष्यलाई आकार दिने एउटा महत्त्वपूर्ण प्लेटफर्म रहेको उनको भनाइ छ ।
What you should know
काठमाडौँ — विश्वको अग्रणी डिजिटल भुक्तानी कम्पनी भिसाले नेपालको डिजिटल भुक्तानी इकोसिस्टमलाई अगाडि बढाउने आफ्नो प्रतिबद्धतालाई पुनः पुष्टि गर्दै भिसा लिडरसिप कन्क्लेभ नेपाल २०२५ को आयोजना गरेको छ ।
कार्यक्रममा बैंकिङ तथा फिनटेक साझेदार, व्यापारी र भुक्तानी प्रोसेसर संस्थाहरूका वरिष्ठ अधिकारीलगायत २ सयभन्दा बढी सहभागी थिए, जसले उद्योग जगत्को उत्कृष्टता मनाउनुका साथै घरेलु तथा साना व्यवसायलाई सशक्त बनाएको भिसाले जारी गरेको विज्ञप्तिमा उल्लेख छ ।
‘काठमाडौं मारियट होटलमा आयोजित सम्मेलन सहयोग र ज्ञानको आदानप्रदानको एक मञ्च बनेको थियो,’ विज्ञप्तिमा भनिएको छ । भिसाको नेतृत्व टोलीमा बंगलादेश, नेपाल र भुटानका लागि कन्ट्री म्यानेजर सब्बिर अहमद, भारत र दक्षिण एशियाका लागि उत्पादन प्रमुख रामकृष्णन गोपालन साथै नेपाल व्यवसाय प्रमुख मनोज थापा समावेश थिए ।
‘हामी भिसाको लिडरशिप कन्क्लेभ आयोजना गर्न पाउँदा खुसी छौं— यो कार्यक्रम हामीले धेरै वर्षदेखि नेपालमा गर्वका साथ आयोजना गर्दै आएका छौं,’ भिसामा बंगलादेश, नेपाल र भुटानका लागि कन्ट्री म्यानेजर सब्बीर अहमदले भने, ‘यो नेपालको डिजिटल अर्थतन्त्रको भविष्यलाई आकार दिने रचनात्मक संवादमा संलग्न हुन उद्योगका नेतृत्वकर्ताहरूलाई एकसाथ ल्याउने हाम्रो निरन्तर प्रयास हो ।’
नेपालमा भिसा लिडरशिप कन्क्लेभ केवल प्रगतिको उत्सव मात्र नरहेको भिसाका भारत तथा दक्षिण एसियाका उत्पादन प्रमुख रामकृष्णन गोपालनले बताए । यो भुक्तानीको भविष्यलाई आकार दिने एउटा महत्त्वपूर्ण प्लेटफर्म रहेको उनको भनाइ छ ।
‘भिसा एक्सेप्ट स्वीकृति प्रक्रियाहरूलाई सुव्यवस्थित गर्न र नेपालभरि घरेलु तथा साना व्यवसायहरूको वृद्धिलाई समर्थन गर्न विकसित एक नवीनतम समाधान हो,’ उनले भने ।
कार्यक्रममा जुलाई २०२४ देखि जुन २०२५ सम्मका उपलब्धिका लागि २० श्रेणीमा १३ विजेताहरूलाई सम्मानसमेत गरिएको थियो । श्रेणीहरूमा उपभोक्ता डेबिट र क्रेडिट कार्ड, प्रिपेड कार्ड, व्यवसाय प्राप्त गर्ने, सीमापार भुक्तानी, सम्पर्करहित समाधान, व्यावसायिक कार्ड, फिनटेक साझेदारी, उत्पादन नवप्रवर्तन, र व्यापारी उत्कृष्टता समावेश थिए ।
