महिलाहरूलाई सीपमा दक्ष बनाउँदै उद्यमशीलता र स्वरोजगारतर्फ प्रेरित गर्नु र प्रविधिमैत्री वातावरण सिर्जना गरेर महिलालाई आर्थिक रूपमा सशक्त बनाउने उद्देश्यका साथ मेला आयोजना गरिएको थियो ।
काठमाडौँ — उद्यमी महिला तथा युवाहरूलाई व्यवसायमा प्रोत्साहन गर्ने उद्देश्यले महिला सिर्जनशील केन्द्र आयोजना गरेको महिला उद्यमी मेलामा १० हजार भन्दा धेरैले अवलोकन गरेका छन् ।
बालुवाटारस्थित आम्रपाली ब्याङ्क्वेटमा आयोजित यस मेलाको उद्योगमन्त्री दामोदर भण्डारीले मेलाको उद्घाटन गरेका थिए । मेलाको आज अन्तिम दिन हो ।
महिला सिर्जनशील केन्द्रकी अध्यक्ष मिलु थापाले महिलाहरूलाई सीपमा दक्ष बनाउँदै उद्यमशीलता र स्वरोजगारतर्फ प्रेरित गर्नु र प्रविधिमैत्री वातावरण सिर्जना गरेर महिलालाई आर्थिक रूपमा सशक्त बनाउने उद्देश्यका साथ मेला आयोजना गरिएको बताइन् ।
मेलामा लत्ताकपडा, कस्मेटिक, चुरा–पोते, गरगहनाका अलवा विभिन्न परिकारलगायतका सामग्रीहरू राखिएका छन् ।
