काठमाडौँ — विदेशमा अध्ययन गर्ने सोच बनाइरहेका नेपाली विद्यार्थीका लागि आगामी १२ अगस्ट २०२५ (मंगलबार) काठमाडौंमा शैक्षिक मेला आयोजना हुँदैछ। एजुकेसन ट्री ग्लोबलद्वारा आयोजित अन्तर्राष्ट्रियस्तरको मेला कमलपोखरीस्थित सिटी सेन्टरको पाँचौं तल्लामा हुनेछ।

विद्यार्थी र अभिभावकका लागि निःशुल्क प्रवेश खुलाइएको यो मेला नेपालमा पहिलोपटक यति विस्तृत र विश्वसनीय शैक्षिक प्रतिनिधिहरूको सहभागितासहित आयोजना हुन लागेको हो। अस्ट्रेलिया, अमेरिका, बेलायत, क्यानाडा, न्यूजील्याण्ड र युरोपका ५० भन्दा बढी प्रतिष्ठित विश्वविद्यालय तथा कलेजका प्रतिनिधिहरू मेला स्थलमै उपस्थित रहनेछन्।

विद्यार्थीहरूले सिधै विश्वविद्यालयका प्रतिनिधिहरूसँग कुराकानी गरी भर्ना प्रक्रिया, छात्रवृत्ति, आवश्यक योग्यताहरू, र अन्य जानकारी प्रत्यक्ष रूपमा पाउने छन्।

मेलामा सहभागी विद्यार्थीहरूले स्पट एडमिशन एसेस्मेन्ट, शतप्रतिशतसम्म छात्रवृत्तिको अवसर, निशुल्क आइएलस् मक टेस्ट, गिफ्ट ह्याम्परहरू, अनुभवी काउन्सेलरबाट निःशुल्क परामर्श र आवेदन सेवा पाउने व्यवस्था गरिएको आयोजक संस्था एजुकेसन ट्री ग्लोबलले जनाएको छ।