काठमाडौँ — सूर्यज्योति लाइफ इन्स्योरेन्सको नेटवर्थ ६ अर्ब २८ करोड रुपैयाँ पुगेको छ । सूर्यज्योतिको  चुक्ता पूँजी ५अर्ब १ करोड र कुल लगानी ४६ अर्ब रुपैयाँ पुगेको जनाएको छ । 

जीवन बीमाकोष ४२ सय करोड रुपैयाँ, जारी बीमालेख संख्या ३४ लाख, प्रशिक्षित अभिकर्ता संख्या १ लाख ३ हजार ७३८ रहेकको सूर्यज्योतिले जनाएको छ । देशभर रहेका १७३ शाखाद्वारा सेवा दिइरहेको कम्पनीले जनाएको छ । 

बीमा क्षेत्रमै सर्वाधिक ३५ घातक रोगविरुद्ध ५० लाख रुपैयाँसम्मको उपचार खर्चको सुविधा प्रदान गर्ने एकमात्र पहिलो कम्पनी बन्न पनि सफल भएको सूर्यज्योतिको दाबी छ । 

हालै  सूर्यज्योति करिब २०० जना कर्मचारीहरुको उपस्थितिमा आयोजित सेल्स कन्भेन्सन २०८२ सम्पन्न गरेको छ। आर्थिक वर्ष २०८२/८३ का लागि वि क्यान थिमलाई मूलमन्त्रका रुपमा आत्मसात गर्दै सम्पूर्ण कर्मचारीहरु एक जुट भएर लक्ष्य प्राप्तिका लागि अघि बढ्ने जनाएको छ ।