काठमाडौँ — सिँगटी हाइड्रो इनर्जी लिमिटेडले आईएसओ प्रमाणपत्र प्राप्त गरेको छ ।
अन्तर्राष्ट्रिय मापदण्ड पूरा गरेकामा कम्पनीले आईएसओ ९००१–२०१५ प्राप्त गरेको जनाइएको छ ।
बेलायतमा रहेको स्टानचुली म्यानेजमेन्ट एन्ड सर्भिसेजको बोर्डले सिँगटी हाइड्रो इनर्जीको आर्थिक, प्रशासनिक, कार्यसम्पादन, परियाजनाको विकास तथा डिजाइन, निर्माणलगायतको मूल्यांकन गरेर प्रमाणपत्र प्रदान गरिएको कम्पनीका प्रबन्ध सञ्चालक सुदीप खड्काले जनाए ।
काठमाडौंको गहनापोखरीमा केन्द्रीय कार्यालयको रहेको कम्पनीले दोलखाको सिँगटी खोलामा २५ मेगावाटको जलविद्युत् आयोजना सञ्चालन गरी ४ वर्षदेखि व्यावसायिक उत्पादन गरिरहेको छ ।
