काठमाडौँ — सूर्यज्योति लाइफ इन्स्योरेन्सले १५ वर्षभन्दा बढी सेवा गर्ने कर्मचारीलाई सम्मान गरेको छ । कम्पनीको १६ वर्ष यात्रा पूरा गरी १७औं वार्षिकोत्सवका अवसरमा २१ जना कर्मचारी सम्मानित भएका हुन् ।
यस अवसरमा कम्पनीका प्रमुख कार्यकारी अधिकृत प्रकाश विक्रम खत्रीले १७ वर्षको यात्रामा कम्पनीको बलियो वित्तीय अवस्था, विश्वसनीयता र हासिल गरेका सूचकांकको उन्नतिका लागि आभार प्रकट गरे ।
कम्पनीको आर्थिक प्रगति, दीर्घकालीन योजना, नवीनतम सेवामा विस्तार गर्ने र सेवा गुणस्तरलाई अझ सुधार गर्दै ग्राहकहरूको जीवनमा सुरक्षाको प्रत्याभूति दिलाउने प्रतिबद्धता खत्रीले जनाए । साथै कम्पनीले आर्थिक वर्ष २०८१/८२ अन्त्यसम्ममा हालसम्मकै उत्कृष्ट व्यवसाय गरी इतिहास रच्ने लक्ष्य लिएको समेत उनले बताए ।
