काठमाडौँ — नेपाल लाइफ इन्स्योरेन्सले ‘एमडीआरटी अचिभर्स अवार्ड २०२५’ सम्पन्न गरेको छ । कम्पनीले गत माघ ५ गते राजधानीमा एक समारोह आयोजना गरी उक्त अचिभर्स अवार्ड सम्पन्न गरेको हो ।
सो अवसरमा कम्पनीले सन् २०२४ को जनवरीदेखि डिसेम्बर अन्तिमसम्ममा ‘एमडीआरटी २०२५’ का लागि योग्य भएका ९५ जना अभिकर्तालाई सम्मान गरेको जानकारी दिएको छ ।
यो अवसरमा कम्पनीका सञ्चालक कमलेशकुमार अग्रवाल, शक्तिकुमार गोल्यान र कम्पनीका प्रमुख कार्यकारी अधिकृत प्रवीणरमण पराजुलीले यस उपलब्धिलाई उत्सवका रूपमा मनाउन पाउँला भनेर हर्षित भएको जनाए ।
